ەندى بەلگىلى ءبىر نىسانعا تەحنيكالىق شارت الۋ ءۇشىن بەرىلەتىن وتىنىشتەر ەلەكتروندى نۇسقادا قابىلدانادى. بيزنەس وكىلدەرى ءۇشىن تاعى ءبىر ءتيىمدى جۇيە بيىلدان باستاپ «كاسىپكەر ونلاين» سايتى ىسكە قوسىلدى. مۇندا اۋكتسيون ارقىلى ساتىلاتىن جەر تەلىمدەرى تۋرالى مالىمەتتى تولىققاندى بىلۋگە بولادى.
سىرداريا اۋدانى, جەتىكول ەلدىمەكەنىنىڭ تۇرعىنى بايان بۇرحانوۆا كاسىپكەرلەرگە قىزمەت كورسەتۋ ورتالىعىنا كەلدى. ت ۇلىك باپتاپ, ەت-ءسۇتىن اۋىلداستارىنا وتكىزىپ كەلگەن كوپ بالالى انا ەندى كاسىبىن كەڭەيتپەك.
«وڭىرلىك ينۆەستيتسيا ورتالىعىنان 3 ملن 700 مىڭ تەڭگە اقشا الىپ, 32 باس سيىر مەن 1 اسىل تۇقىمدى بۇقا العانمىن. ءسۇت ونىمدەرىن وتكىزۋدەمىن. ەندى اۋىل شارۋاشىلىعى ونىمدەرىن ساتاتىن قالادان دۇكەن اشىپ جاتىر ەدىم. قۇجاتقا كوپ جۇگىرەتىن ەدىك. اۋدانعا جۇگىرەمىز, ودان ءبىر قاعازعا جۇمساسا تاعى ءبىر جەرگە بارامىز ايتەۋىر. 5-3 جۇمىس كۇنى دەپ ەدى, جوق ءبىر كۇندە تىندىرىپ بەردى. وتە قۋانىشتىمىن. ايتپەسە اۋىلدا تۇراتىن بولعاسىن قۇجاتقا كوپ جۇگىرەتىن ەدىك. ەلەكتروندى نۇسقا دەگەن جاقسى ەكەن», كاسىپكەر بايان بۇرحانوۆا.
بۇعان دەيىن اپتالاپ دايىندالاتىن قۇجاتتىڭ مەرزىمىن قىسقارتۋعا «گەواقپاراتتىق قىزمەت» جۇيەسى مۇمكىندىك بەرىپ وتىر. جاڭا جۇيە كاسىپكەرلىك سالاسىنداعى اكىمشىلىك كەدەرگىلەردى ازايتۋعا دا ىقپالىن تيگىزدى دەيدى ماماندار.
«كاسىپكەرلىكتى دامىتۋ جاعىنان وسى باعدارلاما ارقىلى تەك اۋكتسيون عانا ەمەس جەرىنىڭ نىسانالى ماقساتىن وزگەرتۋ نەمەسە جەر تەلىمىن 2-3 بولۋگە بولادى. قوسىمشا جەر سۇرايتىن بولسا وسى ونلاين اۋكتسيون ارقىلى بىزگە ءوتىنىش تاستاسا, جەر جاعىنان 2-باعدارلاما بار. وسى باعدارلاماعا كەلىپ تۇسەدى كاسىپكەر-ونلاين ارقىلى. سول ارقىلى ورتالىقتا جۇمىس جاسايمىز. ول كەزدە كاسىپكەرگە دە, ورتالىق ماماندارىنا دا شىعىپ, حقكو, جەر قاتىناستارى بولىمىنە بارىپ ءوتىنىش تاسۋدىڭ قاجەتتىلىگى بولمايدى», كاسىپكەرلەرگە قىزمەت كورسەتۋ ورتالىعىنىڭ ءبولىم باسشىسى بوتاگوز بەكتىباەۆا.
وبلىستىق كاسىپكەرلەرگە قىزمەت كورسەتۋ ورتالىعىنىڭ قىزمەتىنە وتكەن جىلى 2 جارىم مىڭداي ازامات جۇگىنگەن. ال بيىل بۇل كورسەتكىش 6 مىڭنان اسىپ كەتتى. ونىڭ ىشىندە 1 جارىم مىڭعا جۋىعى «گەواقپاراتتىق قىزمەت» باعدارلاماسىن پايدالانعان.
