ورتالىقتىڭ قىزمەتى اۋىر سوماتيكالىق بۇزۋشىلىقتارعا ۇلاسقان ورتالىق جۇيكەنىڭ سال اۋرۋى, ءتۇرلى دەڭگەيدەگى ەپيلەپسيا, حروموسومالىق اۋرۋلار, اۋتيزم, سويلەۋ اپپاراتى قاتتى بۇزىلعان جانە پسيحيكالىق اۋىتقۋلارى بار وليگوفرەنيامەن قاتار اقىل-ويىندا كەمىستىگى بار بالالارعا ستاتسيونارلىق جانە جارتىلاي ستاتسيونارلىق جاعدايدا ارنايى الەۋمەتتىك قىزمەت كورسەتۋگە باعىتتالعان.
مەكەمەنىڭ نەگىزگى مىندەتى بالانىڭ مۇمكىندىكتەرىن دامىتۋ مەن ونى قوعامعا بەيىمدەۋ ءۇشىن بارىنشا قولايلى جاعداي جاساۋ بولىپ تابىلادى.
قازىرگى ۋاقىتتا ورتالىقتا 283 بالا بار, ولاردىڭ ىشىندە كۇندىزگى ۋاقىتتا قارالاتىندار 159 تاربيەلەنۋشى جانە ستاتسيونارلىق بولىمدە تۇراقتى تۇراتىنداردىڭ سانى 124 بالا. ورتالىق تۇرمىستىق, مەديتسينالىق, پەداگوگيكالىق, پسيحولوگيالىق, ەڭبەك, مادەني, قۇقىقتىق جانە ەكونوميكالىق قىزمەتتەردى كورسەتەدى.
سەناتورلار سونداي-اق نۇر-سۇلتان قالاسىنداعى №1 ارنايى مەكتەپ-ينتەرناتتا بولدى. بۇگىنگى كۇنى مەكتەپتە 435 بالا ءبىلىم الۋدا. مەكتەپتە 125 ورىندىق ينتەرنات بار جانە 375 وقۋشىنىڭ ءبىلىم الۋىنا ەسەپتەلگەن. مەكتەپ كورۋ قابىلەتى تومەن بالالارعا ارنايى جولاقشالارمەن, ال تىرەك-قيمىل اپپاراتى بۇزىلعان بالالار ءۇشىن پاندۋستار مەن تۇتقالارمەن جابدىقتالعان.
سەناتورلار الەۋمەتتىك نىسانداردى ارالاۋ بارىسىندا تاربيەلەنۋشىلەردىڭ ءبىلىم الۋ, ورنالاسۋ جاعدايىمەن, وقۋ جانە مەديتسينالىق كابينەتتەردىڭ ماتەريالدىق-تەحنيكالىق جابدىقتالۋىمەن تانىستى. دەپۋتاتتار سونداي-اق نىسان باسشىلارىمەن پروبلەمالىق ماسەلەلەردى تالقىلادى.
مۇمكىندىگى شەكتەۋلى بالالارعا قاتىستى ماسەلەلەردى جان-جاقتى تالقىلاۋ جانە دوڭگەلەك ۇستەلگە دايىندىق وتكىزۋ اياسىندا دەپۋتات ن.تورەعاليۆتىڭ اتىراۋ قالاسىنا ءىسساپارى جوسپارلانۋدا. ساپار بارىسىندا سەناتور اتىراۋ وبلىسى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ «№3 ارنايى الەۋمەتتىك قىزمەت كورسەتۋ ورتالىعىنا» باراتىن بولادى.
