كەزەكتەن تىس پرەزيدەنت سايلاۋىن وتكىزۋ تۋرالى شەشىمدى وتە ورىندى جانە زاڭدى دەپ سانايمىن. بۇل ەلباسى ءوز وكىلەتتىگىن توقتاتاتىنىن جاريالاعان سوڭ قازاقستان رەسپۋبليكاسىنىڭ كونستيتۋتسياسىنا سايكەس جاسالعان شەشىم ەدى. ەندىگى جەردە ەلىمىزدى حالىق داۋىسىمەن سايلانعان پرەزيدەنتىمىزدىڭ باسقارۋى قاجەتتىگى ايقىن. سوندىقتان ۇندەۋدە ايتىلعان باستى ماسەلە جاز ايىندا بۇكىلحالىقتىق سايلاۋ تۋرالى بولدى. بۇل دۇرىس شەشىم. جاز ايى جالپى جۇرتتىڭ قولى كوكتەمگى جۇمىستاردان بوساپ, بىرەر اي تىنىستايتىن كەزى.
ءبىزدىڭ مەملەكەتىمىز بۇگىندە الەمدىك دەڭگەيدەگى وركەنيەتكە ەنگەن ەلدەرمەن تەرەزە تەڭەستىرىپ, العا قارىشتاپ كەلەدى. بۇل – ارينە, ەڭ بىرىنشىدەن قازاقستاننىڭ تۇڭعىش پرەزيدەنتى – ەلباسى ن.ءا.نازارباەۆتىڭ ۇزاق جىلعى كۇرەسكەرلىگى مەن سارابدال ساياساتىنىڭ ارقاسىندا مۇمكىن بولعان جەتىستىك.
سەرىك دۇيسەنباەۆ,
قىزىلوردا وبلىستىق ارداگەرلەر كەڭەسىنىڭ توراعاسى
