ساياسات • 10 ءساۋىر، 2019

ەلىمىز سايلاۋدان مول ءۇمىت كۇتەدى

714 رەت كورسەتىلدى

بيىل ەلىمىزدىڭ ساياسي ءومىرى وزگەرىستەرگە تولى بولدى. ونىڭ ىشىندە ەلباسىنىڭ وكىلەتتىگىن مەرزىمىنەن بۇرىن توقتاتۋ تۋرالى شەشىمىن كوپشىلىك ءادىل دەپ باعالادى.

نەگە دەسەڭىز، ىشكى ساياسي تۇراقتىلىقتى ساقتاپ، باعى­تىمىزدى ايقىنداۋدا بۇل وزگە­رىستىڭ ورنى ەرەك. مىنەكي، مەم­لەكەت باسشىسىنىڭ پرەزيدەنتتىك سايلاۋ وتكىزۋ تۋرالى ۇندەۋى  دە جاريالاندى. ءبىز بولاشاعىمىزدى ايقىن­داردا وتكەنىمىزگە قاراۋدى  ۇمىت­پاعان  ەلمىز. تاۋەلسىزدىك بىزگە قانداي جەڭىسىمەن  كەلدى؟ الەم ال­دىنداعى اسقاق بەدەلىمىز بەن  ەڭسەلى ەكونوميكامىزدى ايتپا­عاننىڭ وزىندە، قازاق رۋحانياتى ءۇشىن  ەلەۋلى وقيعالارعا تولى بولدى. ونىڭ ىشىندە، كۇللى ادامزات، بۇكىل دۇنيە ءجۇزىنىڭ وركەنيەتتى قاۋىمى، بارشا ەل  نازار اۋدارارلىقتاي الەمدىك دەڭگەيدەگى،  پاراساتتىڭ شىرقاۋ بيىگىندەگى پايىمدار ورتاعا سا­لىندى.  ناقتى عىلىمي دەرەك­تەرگە سۇيەنىپ، جاھاندىق تاريح­تاعى ۇلى دالا ەلىنىڭ، قازاق ۇلتىنىڭ، قازاقستان رەسپۋب­ليكاسىنىڭ ورنى مەن ءرولى جان-جاقتى ايقىندالدى. بۇكىل باي­تاعىمىزدىڭ رۋحاني جاڭعىرۋ بارىسىندا الداعى ۋاقىتتا نەلەردى جانە قالاي جۇزەگە اسىرۋ كەرەكتىگىنىڭ تاعىلىمدى تۇجىرىمداماسى جاسالدى. تۇركىستان قالاسىن وبلىس ورتالىعىنا اينالدىرۋ ارقىلى كۇللى تۇركى جۇرتىنىڭ تۋىن تورىمىزگە تىكتى. ونىڭ بولاشاعى ءال-فارابي مەن احمەت ياساۋي بابالارىمىز، باتىرلار  جىرى، قىزعالداق پەن  سيۆەرس الماسىنا دەيىن  ايرىقشا ءمان بەرىلۋى قالامگەرلەرگە قانات بىتىرەدى. وسىنداي جارقىن  كەزەڭدەردى باستان  كەشىرىپ وتىرعان ەلىمىز  الداعى سايلاۋدان  مول ءۇمىت، كەلىستى كەلەشەك كۇتەدى. ول ءۇشىن  اۋىزبىرلىك قاعيداسى اۋاداي قاجەت. كەمەڭگەر ەلىمىز  ءوز پرەزيدەنتىن سايلاۋدا بۇل جولى دا قاتەلەسپەيدى دەپ  ويلايمىز.

مارحابات بايعۇت،

قازاقستاننىڭ ەڭبەك سىڭىرگەن قايراتكەرى، جازۋشى، «الاش» سىيلىعىنىڭ لاۋرەاتى 

سوڭعى جاڭالىقتار

ەڭبەكتىڭ ەلەنگەنى جاقسى

پىكىر • بۇگىن، 20:33

«رولان گارروس» باستالدى

سپورت • بۇگىن، 20:26

ءالجاننىڭ كىسە بەلبەۋى

تاريح • بۇگىن، 20:23

ۇقساس جاڭالىقتار