اۋىل شارۋاشىلىعى مينيسترلىگى, قر ءبىلىم جانە عىلىم مينيسترلىگى, قر ۇلتتىق ينجەنەرلىك اكادەمياسى جانە «ۇلتتىق اگرارلىق عىلىم-ءبىلىم ورتالىعى» ۇاق جانە «بايسەركە-اگرونىڭ» اگروحولدينگىنىڭ ۇيىمداستىرۋىمەن وتكەن حالىقارالىق كونفەرەنتسيا قر ەڭبەك سىڭىرگەن قايراتكەرى تەمىرحان دوسمۇحامەتوۆتىڭ 70 جىلدىق مەرەيتويىنا وراي ۇيىمداستىرىلدى.
تەمىرحان دوسمۇحامەتوۆتىڭ باستاماسىمەن قۇرىلىپ, بۇگىندە وندىرىستىك تاجىريبەسى الەم ەلدەرىنە تانىلعان «بايسەركە-اگرو» اگروحولدينگى ەلىمىزدىڭ اۋىل شارۋاشىلىعى سالاسىنىڭ دامۋىنا قوماقتى ۇلەس قوسىپ كەلەدى.
پلەنارلىق وتىرىستا قر ينجەنەرلىك اكادەمياسىنىڭ پرەزيدەنتى, اكادەميك باقىتجان جۇماعۇلوۆ قازىرگى تاڭداعى وتاندىق اۋىل شارۋاشىلىعىنىڭ ەلىمىز ەكونوميكاسىنداعى باستى سالالاردىڭ ءبىرى رەتىندە الەۋەتى زور كەشەن بولىپ تابىلاتىندىعىنا توقتالىپ, زاماناۋي تەحنولوگيالىق جەتىستىكتەردىڭ اۋىل شارۋاشىلىعىنداعى جەتىسىكتەرى جوعارى ەكەندىگىن اتاپ ءوتتى. وسى باعىتتا عىلىم سالاسىن دامىتۋدىڭ ىقپالى جوعارى. وندىرىسكە يننوۆاتسيالىق تەحنولوگيالاردى ەنگىزۋ, باسەكەگە قابىلەتتى كاسىبي جوعارى مامانداردى دايارلاۋدىڭ ماڭىزى زور. ال الماتى وبلىسى تالعار اۋدانىنداعى «بايسەركە-اگرو» اگروحولدينگى تاجىريبەسىن وتاندىق اۋىل شارۋاشىلىعىنىڭ بارلىق سالاسىندا پايدالانۋدىڭ كەلەشەگى زور.
«بايسەركە-اگرو» اگروحولدينگى تاجىريبەسىندەگى وزىق جەتىستەردىڭ اگروكەشەندەگى, عىلىمداعى ناتيجەسى تۋرالى قازۇاۋ رەكتورى تىلەكتەس ەسبولوۆ «الەمدىك دەڭگەيدەگى ۋنيۆەرسيتەت: بىرەگەي يدەيالار; نەگىزگى پرينتسيپتەرى مەن قۇندىلىقتارى» بايانداماسىندا, ال «قازاقستانداعى عىلىمي جانە عىلىمي-تەحنيكالىق قىزمەت ناتيجەلەرىن كوممەرتسياليزاتسيالاۋ» بايانداماسىندا اكادەميك انۋاربەك سۇلتانعازين («عىلىم قورى» اق) بۇگىنگى جەتىستىەرگە كەڭىنەن توقتالدى. بيولوگيا عىلىمدارىنىڭ دوكتورى, اكادەميك راحىم ورازاليەۆ «قازاقستان جانە ورتالىق ازيانىڭ ىرگەلەس ەكولوگيالىق اۋماقتارىندا بيداي سورتتارىن سەلەكتسيالىق بەيىمدەۋ ەۆوليۋتسياسى» باعىتىنداعى ماسەلەلەرگە توقتالدى. ال «بايسەركە-اگرو» جشس بازاسىندا الماتى وبلىسى جاعدايىندا اۋىل شارۋاشىلىعى داقىلدارىن ءوسىرۋدىڭ ينتەگراتسيالانعان جۇيەسى مەن تەحنولوگياسىن ەنگىزۋ» ماسەلەسىنە بيولوگيا عىلىمدارىنىڭ دوكتورى, اكادەميك اباي ساعيتوۆ توقتالىپ وتسە, «ۆەتەرينارلىق سالاۋاتتىلىقتى قامتاماسىز ەتۋدەگى قازاق ۆعزي» تاقىرىبىنداعى بايانداماسىندا ۆەتەريناريا عىلىمدارىنىڭ دوكتورى, اكادەميك احمەتجان سۇلتانوۆ ۆەتەرينالىق باعىتتاعى زاماناۋي قادامدار مەن وزەكتى ماسەلەلەرى تۇرعىسىندا عىلىمي تۇجىرىمدارىمەن ءبولىستى.
