ءباسپاسوز بريفينگى ءوتتى

ەلىمىز اۋماعىندا ەلباسى جار­لىقتارىنىڭ, زاڭداردىڭ جانە وزگە دە نورماتيۆتىك-قۇقىقتىق اكتى­لەر­دىڭ دالمە-ءدال قولدانىلۋىن, زاڭ­دى­لىقتىڭ بۇزىلۋىن انىقتاۋ مەن كۇشىن جويۋ جونىندە ناقتى شارا­لار قولدانۋدا وبلىستىق پرو­كۋرا­تۋرا قىزمەتكەرلەرى ءاردايىم تالاپ تۇر­عىسىنان كورىنىپ كەلەدى. وسى ماق­ساتتا وبلىستىق پروكۋراتۋرا­نىڭ جاۋاپتى قىزمەتكەرلەرىنىڭ قا­تى­سۋى­مەن “زاڭسىز سالىنعان قۇرى­لىس­تى بۇزۋ بويىنشا سوت اكتى­لەرىن ورىنداۋدىڭ پروبلەمالارى” تاقى­رىبىندا ءباسپاسوز بريفينگى وتكى­زىلىپ, وعان قۇقىق قورعاۋ, قۇ­زىرلى مەكەمە وكىلدەرى قاتىس­تىرىلدى. وڭىردە زاڭسىز سالىنعان 29 ءۇي تىركەلسە, سوت ورىنداۋشىلارىنىڭ قاتىسۋىمەن ونىڭ 11-ءىنىڭ عانا شەشىمى تابىلعان. وسى ماسەلەلەر بويىنشا وبلىستىق پروكۋراتۋرا­نىڭ باسقارما باستىعىنىڭ مىندە­تىن اتقارۋشى ر.باقتاەۆ, وبلىس پروكۋرورىنىڭ كومەكشىسى س.وكسىك­باەۆ, تاعى باسقا سالا قىزمەت­كەر­لە­رى سوت شەشىمىن دەر كەزىندە ورىنداۋداعى كەيبىر زاڭناماداعى سولقىلداق تۇستاردى اتاپ ايتىپ, جەكە ادامداردىڭ زاڭدى قۇرمەت­تەۋى, ءبىلۋى قاجەتتىگىن العا تارتتى. ءباسپاسوز بريفينگىندە ولار بۇقارالىق اقپارات قۇرالدارىنىڭ وكىلدەرى قويعان سۇراقتارعا دا جاۋاپ بەردى. الماتى وبلىسى كۇمىسجان بايجان.