فوتو: Instagram/shavkat.rakhmonov94
UFC سايتىنداعى مالىمەتكە سۇيەنسەك, راحمونوۆتىڭ ورنىنا رەيتينگتە امەريكالىق مايكل مورالەس باسقان. ليگا وكىلدەرى وتاندىق فايتەردىڭ نەلىكتەن تىزىمنەن شىعارىلعانى جونىندە تۇسىنىكتەمە بەرمەگەن.
ايتا كەتەيىك, شاۆكات راحمونوۆ جۋىردا تاعى دا جاراقات العان. بولجام بويىنشا, سپورتشى 2026 جىلدىڭ باسىم بولىگىن تولىقتاي قالپىنا كەلۋگە جۇمساۋى مۇمكىن. ال UFC ءۇشىن ءبىر جىلدان استام ۋاقىت وكتاگونعا شىقپاعان, ەندى تاعى دا بەلگىسىز مەرزىمگە قاتاردان شەتتەيتىن فايتەردىڭ رەيتينگتە قالۋى ءتيىمسىز شەشىم سانالادى.
بۇل جاڭالىق بيىل راحمونوۆتىڭ چەمپيوندىق بەلبەۋ ءۇشىن تالاسىن كورەمىز دەپ ۇمىتتەنگەن قالىڭ قاۋىمعا اۋىر ءتيدى.
ەندى نەگىزگى ساۋال – شاۆكات راحمونوۆ مانسابىن جالعاستىرا ما الدە اياقتاي ما؟ جانكۇيەرلەر 2027 جىلى ونىڭ UFC چەمپيونى اتاعى ءۇشىن باستى جەكپە-جەگىن تاماشالاي الا ما؟ بۇل ساۋالدارعا ازىرگە ناقتى جاۋاپ جوق. فايتەردىڭ ءوزى دە, كومانداسى دا رەسمي مالىمدەمە جاسامادى.
ايتا كەتەيىك, «نوماد» لاقاپ اتىمەن تانىلعان شاۆكات راحمونوۆ سوڭعى جەكپە-جەگىن 2024 جىلعى 8 جەلتوقساندا وتكىزدى. ول كەزدە قازاقستان سپورتشىسى يرلانديالىق يەن «ماچادو» گەرريدى تورەشىلەردىڭ ءبىراۋىزدى شەشىمىمەن جەڭگەن ەدى.
شاۆكات راحمونوۆ وپەراتسيا جاساتتى: سپورتشى UFC-گە قاشان ورالادى؟
