وتىرىسقا «Nur Otan» پارتياسىنىڭ جانە باسقا دا جەتەكشى ساياسي پارتيالاردىڭ وكىلدەرى, دەموكراتيالىق كۇشتەردىڭ وڭىرلىك كواليتسياسىنىڭ مۇشەلەرى, قاراعاندى وبلىسى قازاقستان حالقى اسسامبلەياسىنىڭ وكىلدەرى, كاسىپكەرلەر, ۇەۇ قىزمەتكەرلەرى جانە قوعامدىق پىكىر كوشباسشىلارى قاتىستى.
جينالعاندار ەلباسىنىڭ تاۋەلسىز قازاقستاننىڭ قالىپتاسۋىنداعى ءرولى تۋرالى ايتتى. دەموكراتيالىق كۇشتەردىڭ وڭىرلىك كواليتسياسىنىڭ استانانى قايتا اتاۋ تۋرالى ۇندەۋى تالقىلاندى.
- ءبىز سىزدەرمەن بىرگە ەلىمىزدە بولىپ جاتقان تاريحي وقيعالاردىڭ كۋاگەرلەرى بولىپ تابىلامىز. ەلباسى پرەزيدەنتتىك وكىلەتتىگىن دوعاردى, الايدا نۇرسۇلتان ءابىش ۇلى نازارباەۆ ۇلت كوشباسشىسى, مەملەكەتىمىزدىڭ نەگىزىن قالاۋشى بولىپ قالا بەرەدى. ەلدىڭ بارلىق جەتىستىكتەرى ءبىرىنشى كەزەكتە ونىڭ ەسىمىمەن بايلانىستى. بۇگىن ءبىز ەلوردامىزدى نۇر-سۇلتان قالاسى دەپ اتاۋىن وزگەرتۋگە قولداۋ كورسەتۋ ءۇشىن جينالىپ وتىرمىز, - دەدى «Nur Otan» پارتياسىنىڭ قاراعاندى وبلىستىق فيليالى توراعاسىنىڭ ورىنباسارى قاديشا وسپانوۆا «قازاقستان-2050» دەموكراتيالىق كۇشتەردىڭ وڭىرلىك كواليتسياسىنىڭ وتىرىسىن اشا وتىرىپ.
قاتىسۋشىلار استانانىڭ اتىن وزگەرتۋدى ءبىراۋىزدان قولدادى. ولار تاۋەلسىز قازاقستاننىڭ جاس استاناسىنىڭ پايدا بولۋى مەن دامۋى بۇكىل مەملەكەتتىڭ ساياسي ءوسۋى مەن ەكونوميكالىق دامۋى ءۇشىن ۇلكەن سەرپىن بولعانىن اتاپ ءوتتى. استانانىڭ نۇر-سۇلتان بولىپ قايتا اتالۋى ابدەن زاڭدى جانە نەگىزدى, سەبەبى ول تۇڭعىش پرەزيدەنتتىڭ ەسىمىمەن بايلانىستى.
- ساياسي پارتيالار مەن قوعامدىق بىرلەستىكتەر قازىر وسى شەشىمدى قولداپ, بىرىگىپ وتىر. قايتا اتاۋ بارلىعىمىز ءۇشىن بىرىكتىرۋشى ءسات بولدى. بۇل قازاقستاننىڭ ەكونوميكالىق دامۋىنا جاڭا سەرپىن بەرەدى, - دەپ اتاپ ءوتتى «اۋىل» قازاقستان سوتسيال-دەموكراتيالىق پارتياسى» وبلىستىق فيليالىنىڭ توراعاسى, قاراعاندى وبلىستىق ءماسليحاتىنىڭ دەپۋتاتى سەرعازى ادەكەنوۆ.
ول سونداي-اق وبلىستىق ءماسليحات دەپۋتاتتارى ءوڭىر تۇرعىندارىمەن كەزدەسۋلەر وتكىزىپ جاتقانىن مالىمدەدى. حالىق بۇل ساياسي شەشىمدى قولدايدى جانە دۇرىس دەپ سانايتىنىن اتاپ ءوتتى.
- بۇگىنگى كەزدەسۋ وتە ماڭىزدى, - دەدى «قاراعاندى ەۆرەي مادەنيەتى ورتالىعى» قب توراعاسى, قحا مۇشەسى ۆيلەن مولوتوۆ-لۋچانسكي. - نۇرسۇلتان ءابىش ۇلىنىڭ پرەزيدەنتتىك جىلدار ارالىعىندا جاساعانى - بۇل ءبىزدىڭ ەلىمىزدىڭ بەرىك ىرگەتاسى. ەلباسى «بولاشاققا باعدار: قوعامدىق سانانى جاڭعىرتۋ», « ۇلى دالانىڭ جەتى قىرى» اتتى ماقالالارىندا ادامدار ءوز تامىرىن ءبىلۋى كەرەك, بىراق سونىمەن قاتار بولاشاققا قاراۋ كەرەك دەپ ايتقان بولاتىن. ءبىز استاناعا دامىپ كەلە جاتقان قازاقستان تۋرالى ارمانىمىزدى سالدىق, ول ماڭگىلىك ەل تۋرالى ارمانىمىزدى بەينەلەيدى. استانا نۇر-سۇلتان دەپ اتالۋى كەرەك.
وتىرىس قورىتىندىسى بويىنشا كواليتسيا مۇشەلەرى ەلوردانىڭ اتاۋىن وزگەرتۋدى ءبىراۋىزدان قولداپ, ۇندەۋ قابىلدادى.
