- جارىس جوعارى دەڭگەيدە وتكىزىلدى,-دەدى قر قورعانىس مينيسترلىگىنە قاراستى ارميا ورتالىق سپورت كلۋبىنىڭ توراعاسى ايتالاپ قورعامباەۆ,-بارلىق قاتىسۋشىلاردىڭ دايىندىعى بار. ءار جەكپە-جەك تە قىزىقتى ءارى ەموتسياعا تولى بولدى. جىل سايىن قارۋلى كۇشتەر اياسىندا وتكىزىلەتىن باسقا دا جەكپە-جەكتىك چەمپيوناتتار قارقىن الۋدا. جارىسقا قاتىسۋشىلاردىڭ سانى عانا ەمەس, سونىمەن قاتار اسكەري قىزمەتشىلەردىڭ شەبەرلىك دەڭگەيى دە ارتا تۇسكەنىن بايقادىق.
«شىعىس» اسكەري وڭىرلىك قولباسشىلىعى ءباسپاسوز قىزمەتىنىڭ جەتەكشىسى, اعا لەيتەنانت يسلامبەك قالدىبەكوۆتىڭ ايتۋىنشا, سسى قازاقشا كۇرەس تۇرىنە بەيىمدەلىپ, ءوسىپ كەلە جاتقان جاس ۇرپاق تا قىزىعۋشىلىق تانىتىپ وتىر. قازاقستان قارۋلى كۇشتەرىنىڭ سەگىز گارنيزونىندا اسكەري قىزمەتشىلەردىڭ بالالارى اوسك نۇسقاۋشىلارىنىڭ باسشىلىعىمەن سپورتپەن اينالىسۋعا مۇمكىندىكتەرى بار ەكەن.
جارىس قورىتىندىسى بويىنشا جەڭىمپاز اتاعىن ارميا ورتالىق سپورت كلۋبىنىڭ سپورتشىسى, كىشى سەرجانت تالعات امىرەنوۆ جەڭىپ الدى, ەكىنشى ورىندى مەملەكەتتىك كۇزەت قىزمەتىنىڭ اسكەري قىزمەتشىسى لەيتەنانت الىبەك زەكەنوۆ يەلەندى, ال ءۇشىنشى ورىندى ارميا ورتالىق سپورت كلۋبىنىڭ مەرزىمدى قىزمەتىنىڭ اسكەري قىزمەتشىسى, قاتارداعى جاۋىنگەر ءادىل ورازباەۆ يەلەندى.
- جەڭىس وڭاي بولمادى, ويتكەنى بارلىق قارسىلاستار دايىندىق پەن كاسىپقويلىقتىڭ جوعارى دەڭگەيىن كورسەتتى. «قازاقستان بارىسى-2019» رەسپۋبليكالىق تۋرنيرىنە دايىندىققا ءازىرمىن. وندا مەن ەلىمىزدىڭ قارۋلى كۇشتەرىنىڭ اتىنان شىعامىن,- دەيدى كىشى سەرجانت تالعات امىرەنوۆ.
راۋشان نۇعمانبەك
«ەgemen QAZAQSTAN»
سەمەي
