مۇنداعى ماماندار ءبىر تاۋلىكتە 400 ادامنىڭ قۇجاتىن راسىمدەپ بەرە الادى. جاڭا ورتالىقتا اۆتوكولىكتەردى تىركەۋ جانە ەسەپتەن شىعارۋ مەملەكەتتىك قىزمەتتەرى كورسەتىلەتىن بولادى. ەلەكتروندى باقىلاۋ جۇيەسى قوسىلعان عيمارات تولىق اۆتوماتتاندىرىلعان.
جاڭا مامانداندىرىلعان ورتالىقتا 52 قىزمەتكەر جۇمىس ىستەيدى. ال دايىن قۇجاتتاردى قابىلداۋ جانە بەرۋ قىزمەتىنە 20 جۇمىس ورنى قۇرىلىپ وتىر. عيمارات الدىندا 150 اۆتوكولىككە تۇراق قاراستىرىلسا, مۇمكىندىگى شەكتەۋلى ازاماتتار ءۇشىن پاندۋستار مەن شاقىرتۋ تۇيمەلەرى ورنالاسقان.
ايتا كەتەيىك, اتالعان حقكو اپتانىڭ التى كۇنىندە ساعات 9.00-دەن 20.00-گە دەيىن ءۇزىلىسسىز جۇمىس ىستەيدى.
