حالىقارالىق تەاتر كۇنى العىس حاتتار قازاق تەاترىنىڭ اكتەرلەرى اينۇر جەتپىسپاەۆاعا, ەرجان نۇرىمبەتكە, ينابات ابەنوۆاعا, ورىس درام تەاترىنان - دانيل حومكوعا, يگور سەدينگە جانە بالەتمەيستەر روزا بەلگىباەۆاع تابىستالدى.
«جاستار» تەاترىنان العىس حاتقا نۇرلىبەك تولەگەن, ەلدوس شايكەنوۆ جانە كورەرمەندەرمەن جۇمىستى ۇيىمداستىرۋ ءبولىمىنىڭ باسشىسى ليازيما سايبانوۆا يە بولدى. بۇدان باسقا, قۋىرشاق تەاترىنىڭ كوركەمدىك جەتەكشىسى جانە ديرەكتورى قۇرالاي ەشمۇراتوۆا مەن توعجان حاسانعاليەۆاعا, «ناز» بي تەاترىنىڭ قىزمەتكەرلەرى جۇلدىز بەگمانوۆاعا جانە ءاليا ابىلقاسىموۆاعا, ساتيرا تەاترىنىڭ كوركەمدىك جەتەكشىسى ەرنياز بىرىمقۇلوۆقا جانە اكتەر ءالي بيداحمەتوۆ پەن البينا ۆاليەۆاعا ەرەكشە قۇرمەت كورسەتىلدى.
سالتاناتتى ماراپاتتاۋ شاراسىنان كەيىن .قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ, م.گوركي اتىنداعى مەملەكەتتىك اكادەميالىق ورىس دراما تەاترىنىڭ, «جاستار» تەاترىنىڭ, «ناز» مەملەكەتتىك بي تەاترىنىڭ, قۋىرشاق تەاترى مەن كومەديا تەاترىنىڭ ۇجىمدارى ءوز ونەرىن قالىڭ كورەرمەن نازارىنا ۇسىندى.
«تاۋەلسىزدىك جىلدارى ەلوردامىز مادەنيەت پەن ونەر سالاسىندا جاڭالىقتار مەن يننوۆاتسيالار جارشىسىنا اينالدى. الەمدىك تەاتر ونەرىنىڭ ماڭدايالدى تۋىندىلارىن تاماشالاۋعا مۇمكىندىك بەرىپ وتىرعاندارىڭىز ءۇشىن العىس ايتامىن. سىزدەردىڭ قاجىرلى ەڭبەكتەرىڭىزدىڭ, شەبەرلىكتەرىڭىزدىڭ, تالانتتارىڭىزدىڭ ارقاسىندا مىڭداعان كورەرمەن شىعارماشىلىق جولىنا تۇسەدى», – دەدى مادەنيەت جانە سپورت باسقارماسىنىڭ باسشىسى بولات ماجاعۇلوۆ.
