– جەتەكشى پارتياسىنىڭ كەزەكتى XVIII cەزىندە ەلباسى الەۋمەتتىك سالاعا بايلانىستى بىرقاتار تاپسىرما بەرگەن ەدى. قالا اكىمى ع.ءابدىراحىموۆتىڭ قولداۋىمەن ءتورت اۋداننان ورتالىق اشىلدى. قازىر انالارعا قۇجات تاپسىرۋ بارىسى تۇسىندىرىلۋدە. ال 1-30 ءساۋىر ارالىعىندا الەۋمەتتىك كومەك الۋ بويىنشا قۇجات قابىلداۋ باستالادى, - دەدى گ.قۇرمانبەكوۆا.
مۇنان بۇرىن قالادا انالار كەڭەس سۇراپ, قۇجات وتكىزەتىن مەكەمە بىرەۋ عانا بولسا, ەندى ءتورت اۋداننان بولىمشە اشىلىپ وتىر. بۇل ورتالىقتاردا تۇرعىندار ءۇشىن ىڭعايلى جاعداي جاسالعان. كۇتۋ زالىندا انالار ەمىن-ەركىن وتىرا الادى.
ايتا كەتەرلىگى, شىمكەنتتە 30 مىڭعا جۋىق كوپ بالالى انالار بار. ەندى كوپ بالالى انالار الەۋمەتتىك كومەك الۋ ءۇشىن كەڭەس الىپ, قۇجات وتكىزۋدە (ەڭبەكشى اۋدانى بويىنشا – قاپال باتىر كوشەسى, ءن/ۇ; اباي اۋدانى بويىنشا – مادەلى قوجا كوشەسى, ءن/ۇ (حالىققا قىزمەت كورسەتۋ ورتالىعىنىڭ عيماراتى); ءال-فارابي اۋدانى بويىنشا – ش.قالداياقوۆ كوشەى, 13ا; قاراتاۋ اۋدانى بويىنشا – بايدىبەك بي كوشەسى, ءن/ۇ.) ءوز اۋداندارىندا اشىلعان ورتالىقتارعا بارا الادى.
نۇرشات توكەن,
«Egemen Qazaqstan»
شىمكەنت
