العاشقى كەزەڭدە قوس كوماندانىڭ قاقپاسىنا ءبىر-ءبىر عانا دوپتان ەنگەن بولسا, ودان كەيىنگى ۋاقىتتا جەرلەستەرىمىزدىڭ ۇستەمدىگى ەش كۇمان تۋعىزعان جوق. قالعان ءۇش كەزەڭدە ەركىن ويقاستاپ, باسىمدىق تانىتقان جىگىتتەرىمىز ايقىن جەڭىسكە قول جەتكىزدى. ەسەپ – 11:5.
ەستەرىڭىزگە سالا كەتەيىك, وسى ءتۋرنيردىڭ تۇساۋكەسەر باسەكەسىندە دە ءبىزدىڭ جىگىتتەر ءوز جانكۇيەرلەرىن قۋانتقان ەدى. جاڭا زەلاندياعا قارسى وتكەن سول كەزدەسۋ 11:10 ەسەبىمەن اياقتالدى.
ايتۋلى ەكى بىردەي جەڭىستەن كەيىن التى ۇپايدى قورجىنعا سالعان قازاقستاننىڭ ۆاتەرپولشىلارى جارىس كەستەسىندە جەكە-دارا كوش باستاپ تۇر. ودان كەيىنگى ورىندارعا قىتاي (4 ۇپاي), ارگەنتينا (2 ۇپاي) جانە جاڭا زەلانديا (0 ۇپاي) قۇرامالارى جايعاستى.
عالىم سۇلەيمەن,
«Egemen Qazaqstan»
