مەملەكەتتىك ورگاندار تاراپىنان كوممۋنيكاتسيانىڭ زاماناۋي ارنالارىن پايدالانا وتىرىپ, ءتيىمدى ءتۇسىندىرۋ جۇمىستارىن جۇرگىزۋ قاجەتتىگى اتاپ ءوتىلدى. پرەزيدەنت ءوڭىر اكىمدەرىنىڭ حالىقپەن ۇنەمى كەزدەسۋگە جانە ەلدى مەكەندەردى ءجيى ارالاۋعا ءتيىس ەكەنىن ايتتى.
بۇدان بولەك مەملەكەت باسشىسى قاسىم-جومارت توقاەۆ ەلباسى نۇرسۇلتان ءابىش ۇلى نازارباەۆ نەگىزىن قالاعان الەۋمەتتىك تۇرعىدان ادىلەتتى ەل قۇرۋ باعىتىن جالعاستىرۋدى مىندەتتەدى. سونىڭ ىشىندە پرەزيدەنت اكىمدەرگە الەۋمەتتىك جاعدايى تومەن ازاماتتار ءۇشىن 40 مىڭنان استام جالدامالى پاتەر بەرۋ ماسەلەسىن جەدەلدەتۋدى جانە بۇل ۇدەرىستى بيىلعى مامىر ايىنان باستاۋدى جۇكتەدى.
سونىمەن قاتار ق.توقاەۆ حالىقتىڭ تۇرمىس ساپاسىنا تىكەلەي اسەر ەتەتىن ينفراقۇرىلىمعا قاتىستى جۇيەلى ماسەلەلەردى شۇعىل شەشۋدىڭ ماڭىزدى ەكەنىن اتاپ ءوتتى.
