ەسترادا جۇلدىزدارى اننەن شاشۋ شاشىپ, جۇرتشىلىققا كوتەرىڭكى كوڭىل-كۇي سىيلادى. كەشكە جينالعان كوپشىلىك قاۋىم ەلوردانىڭ اتى وزگەرگەنىنە, ەلباسىنىڭ ەسىمى ۇلىقتالعانىنا ريزاشىلىقتارىن ءبىلدىردى.
وبلىستىق Fقساقالدار القاسىنىڭ توراعاسى جارىلقاسىن ازىرەتبەرگەن ۇلى ۇلى دالانىڭ كىندىگىندە ورنالاسقان, ەلباسىنىڭ باستاماسىمەن سالىنعان استاناعا نۇرسۇلتان ءابىش ۇلى نازارباەۆتىڭ ەسىمىن بەرىپ, تاريحي تۇلعا مارتەبەسىن اسقاقتاتقان تاريحي شەشىمدى تۇركىستان وبلىسىنىڭ حالقى دا قولدايتىنىن جەتكىزدى.
سونداي-اق ايتىسكەر اقىن, رەسپۋبليكالىق, حالىقارالىق اقىندار ايتىسىنىڭ جۇلدەگەرى, «دارىن» جاستار سىيلىعىنىڭ يەگەرى بىرجان بايتۋوۆ تا ولەڭمەن ورىلگەن قۇتتىقتاۋىن جولدادى.
"ىرگەسى بەكىپ, ابىرويى اسقاقتاعان قازاق ەلىنىڭ وز كوشباسشىسىن ۇلىقتاپ, ەرەن ەڭبەگىن باعالاعانى اڭعارىلادى. بارشا تۇركىستاندىقتاردى تاريحي شەشىم, تاريحي كۇنمەن قۇتتىقتايمىن!" - دەدى ءبىرجان بايتۋوۆ.
ءان كەشىنە جيىلعان جۇرتشىلىق "ەلىمىز امان بولسىن! ازات ەلىمىز ماڭگى جاساسىن!" دەپ تارقاستى.
