وسى ۇلكەن كولەمنىڭ 2100 گەكتارى بىلقىلداق كولىنىڭ اۋماعىنا تيەسىلى, ال, 1200 گەكتارى ايماقتا كاسىپورىندار سالىپ, بيزنەس ۇلەسىن وركەندەتۋگە بەرىلگەن.
ايماق باسقارما باسشىلىعىنىڭ مالىمەتىنشە, ەلىمىزدە 12 ارنايى ەكونوميكالىق ايماقتىڭ بارلىعى بىردەي زاڭ اياسىندا جۇمىس ىستەيدى. مەملەكەت تاراپىنان كورسەتىلەتىن جەڭىلدىكتەردە دە ايىرماشىلىق جوق. تەك ءار ايماقتىڭ ءوز باعىتى بار. ء بىزدىڭ وڭىردە حيميا, مۇناي-حيميا جانە مەتاللۋرگيا سالالارىنا باسىمدىق بەرىلدى.
بىراق, بۇل باعىت جۇزەگە اسپادى ما, قازىر ايماقتا قوسپالى اليۋميني مەن اۆتوموبيل ديسكىلەرىن شىعاراتىن ەكى زاۋىت جۇمىس جاساۋدا. بۇل كۇندەرى 2010 جىلى باستالعان ايماق اۋماعىنىڭ ءار شارشى مەترىن ءتيىمدى پايدالانۋ ءۇشىن ينفراقۇرىلىمدىق جۇيەلەر تارتۋ ء الى دە جالعاسۋدا.
ءتىپتى, ايماقتىڭ كەيبىر اۋماعىندا ينجەنەرلىك جەلىلەردىڭ بولماۋى ينۆەستورلارعا كەدەرگى ەمەس دەيدى. جىل سايىن رەسپۋبليكالىق بيۋدجەتتەن بولىنەتىن قارجىنىڭ كولەمىنە كارىز, جول, تازارتۋ ستانساسىن سالىنعان.
بيىل تەمىرجول جوباسىنىڭ ءبىرىنشى كەزەڭىنە كوشەمىز, كارىز جۇيەسىنىڭ قالعان ەكى كەزەڭى اياقتالادى. بىلتىر ايماق وكىلدەرى دۋبايدا وتكەن «World free zones Organization» حالىقارالىق كونفەرەنتسياعا قاتىستى.
ناتيجەسىندە 3 مىڭنان استام ينۆەستورعا تۇراقتى تۇردە «پاۆلودار» اەا تۋرالى اقپاراتتى جولداۋعا مۇمكىندىك الدى. سوندىقتان, ايماق ءىرى يننوۆاتسيالىق جوبالارى بار ينۆەستورلاردى كۇتۋدە. ۇلكەن اۋماقتا نارىققا قاجەت, سۇرانىسى جوعارى, يندۋستريانى دامىتاتىن كاسىپورىندار ورنالاسۋى قاجەت.
ايماق وكىلدىگىندە ينۆەستيتسيا تارتۋ, ينفراقۇرىلىمدى جاقسارتۋ جانە ماركەتينگ بويىنشا بار-جوعى 17 مامان جۇمىس جاسايدى.
فاريدا بىقاي,
«ەگەمەن قازاقستان»
پاۆلودار
