جۋرناليستەردىڭ سۇراقتارىنا جاۋاپ بەرە وتىرىپ, ءا. سمايىلوۆ قازاقستان استاناسىنىڭ اتاۋىن نۇر-سۇلتان دەپ وزگەرتۋگە بايلانىستى نورماتيۆتىك-قۇقىقتىق اكتىلەرگە قوسىمشا قاراجات ءبولۋ بويىنشا وزگەرىستەر ەنگىزۋ قاجەت ەمەستىگىن اتاپ ايتتى. بارلىعى اعىمداعى بيۋدجەت اياسىندا ىسكە اسىرىلاتىن بولادى.
«جاقىندا ءبىزدىڭ استانامىزدىڭ اتاۋىن نۇر-سۇلتان دەپ وزگەرتۋ تۋرالى زاڭ قابىلداندى, وسىعان بايلانىستى رەسپۋبليكالىق نەمەسە جەرگىلىكتى بيۋدجەتتەن قانداي دا ءبىر قوسىمشا قاراجات قاراستىرىلىپ وتىرعان جوق. ورتالىق مەملەكەتتىك ورگاندارعا كەلسەك, نۇر-سۇلتان قالاسىنىڭ اۋماعىنداعى عيماراتتاردىڭ ماڭدايشالارىنداعى جازۋلاردى اۋىستىرۋ ءۇشىن قاراجات قاجەت, بىراق اعىمداعى قارجىلاندىرۋ اياسىندا ولار قارجىلاندىرىلا الادى, ياعني مەملەكەتتىك ورگاندارعا جىل سايىنعى بولىنەتىن قاراجات اياسىندا», — دەدى قارجى ءمينيسترى.
بلانك ونىمدەرىنە قاتىستى دا ايتارلىقتاي شىعىندار كۇتىلمەيدى.
«مەملەكەتتىك ورگانداردىڭ ەلەكتروندى قۇجات اينالىمىنا كوشكەنىن ەسكەرۋ قاجەت, سوندىقتان بلانكتەردى باسىپ شىعارۋ ءۇشىن قانداي دا ءبىر ايتارلىقتاي شىعىندار قاجەت ەمەس», — دەپ اتاپ ءوتتى ول.
جەرگىلىكتى اتقارۋشى ورگاندار عيماراتتارىنىڭ ماڭدايشالارىنداعى جازۋلارعا, كورسەتكىشتەرگە كەلسەك, ءا. سمايىلوۆ اتاپ وتكەندەي, ولاردى اۋىستىرۋ اسىرا ورىنداۋدى ەسكەرۋمەن جەرگىلىكتى بيۋدجەت قاراجاتى ەسەبىنەن ىسكە اسىرىلاتىن بولادى.
«مەن كەشە قالا اكىمى ب. سۇلتانوۆپەن سويلەستىم», — دەدى ءا. سمايىلوۆ جانە جالپى قالاداعى ەسكىرگەن ماڭدايشا جازۋلارىن, كورسەتكىشتەردى اۋىستىرۋعا جىل سايىن جەرگىلىكتى بيۋدجەتتە قاراجات قاراستىرىلاتىنىن ءتۇسىندىردى, ياعني بۇلار اعىمداعى شىعىندار, ونىڭ اياسىندا اكىمدىك وسى ماڭدايشا جازۋلارىن, كورسەتكىشتەردى بىرتىندەپ اۋىستىرۋدى جوسپارلاپ وتىر, الدىمەن قالاعا كىرە بەرىستەردە اۋىستىرىلاتىن بولادى, ودان كەيىن كەزەڭ-كەزەڭمەن قاجەتتى جەرلەردە اۋىستىرىلادى. باسقاشا ايتقاندا, قالا بيلىگى بۇل ماقساتقا قانداي دا ءبىر قوسىمشا قاراجات ءبولۋدى جوسپارلاپ وتىرعان جوق.
