اقمولا وڭىرىندەگى «تسەلينوگرادسكوە» كرەديتتىك سەرىكتەستىگىنىڭ قىزمەتكەرلەرى ەلوردا اتاۋىنىڭ نۇر-سۇلتان بولىپ وزگەرۋىن قولدايتىندىقتارىن جەتكىزدى.
«ەل مۇددەسىن مۇرات ەتكەن تۇڭعىش پرەزيدەنتىمىز نۇرسۇلتان ءابىش ۇلى نازارباەۆتىڭ ەڭبەگىنىڭ ارقاسىندا تاۋەلسىزدىگىن جاڭا العان جاس مەملەكەت العا قادام باستى. نارىقتىق جۇيە يگەرىلىپ, جەكەشەلەندىرۋ جۇرگىزىلدى, كاسىپكەرلەرگە قولداۋ كورسەتىلىپ, ينۆەستيتسيالار تارتىلدى, الىس-جاقىن شەتەلدەرمەن ءوزارا ساۋدا قاتىناستارى جولعا قويىلدى. تاۋەلسىز ەلدىڭ العاشقى قادامدارىنىڭ ءبىرى – ءتول تەڭگەمىز قولدانىسقا ەنگىزىلىپ, دەربەس قارجى جۇيەسى قۇرىلدى. بۇل جۇمىستار مەن قولداۋلاردىڭ ناتيجەسى كوپ كۇتتىرمەدى, قارجىلىق داعدارىستارعا توتەپ بەرىپ, ەكونوميكامىز دامىدى. ءار قازاقستاندىقتىڭ ءال-اۋقاتى جاقسارىپ, ەلىمىز جاڭا بەلەستەردى باعىندىرا باستادى. ساياسي شەشىم قابىلدانىپ, ەلوردانى الماتىدان اقمولاعا كوشىرۋ تۋرالى شەشىم قابىلداندى. قىسقا مەرزىم ىشىندە ەۋرازيا كىندىگىندە, ەسىلدىڭ بويىندا جاڭا ەلوردامىز پايدا بولدى», دەيدى ۇجىم ەڭبەككەرلەرى.
«تسەلينوگرادسكوە» كرەديتتىك سەرىكتەستىگىنىڭ ۇجىمى ەلباسىنىڭ تاباندى جۇمىسىنىڭ ناتيجەسىندە قازىرگى قازاقستان جەدەل قارقىنمەن دامىپ, ەكونوميكاسى تۇراقتى ەلدەردىڭ قاتارىنان ورىن العانىن ايتادى.
«تۇڭعىش پرەزيدەنتىمىز نۇرسۇلتان نازارباەۆتىڭ ەڭبەگىنىڭ ارقاسىندا تاۋەلسىزدىك العاننان بەرى قازاقستان بۇكىل الەمدىك ۇدەرىستەر ينتەگراتسيالانعان, دەموكراتيالىق قۇندىلىقتاردى مويىندايتىن مەملەكەتكە اينالدى. سوندىقتان, استانا قالاسىن ەلباسى ەسىمىمەن قايتا اتاۋ ۋاقىتى جەتكەن تابيعي زاڭدىلىق ەكەنىن مويىندايمىز. استانا قالاسىن نۇر-سۇلتان دەپ قايتا اتاۋدى «تسەلينوگرادسكوە» كرەديتتىك سەرىكتەستىگىنىڭ ۇجىمى تولىق قولدايدى», دەيدى ۇجىم قىزمەتكەرلەرى.
اقمولا وبلىسى
* * *
اقجايىق جۇرتشىلىعى استانانى نۇر-سۇلتان دەپ قايتا اتاۋ تۋرالى ۇسىنىسقا وي-پىكىرلەرىن ءبىلدىرىپ, بۇل باستاماعا قولداۋ تانىتاتىندىقتارىن جەتكىزدى.
ماسەلەن, م.وتەمىس ۇلى اتىنداعى باتىس قازاقستان مەملەكەتتىك ۋنيۆەرسيتەتىنىڭ ۇستازى, پەداگوگيكا عىلىمدارىنىڭ دوكتورى, پروفەسسور ابات قىدىرشاەۆ ەلباسىنىڭ قازاقستان مەن استانا الدىنداعى ەڭبەگى ايرىقشا ەكەنىن ايتادى.
«قازاقستاننىڭ تۇڭعىش پرەزيدەنتى اتقارعان ۇلان-عايىر ىستەردى ايتقاندا ەكى ماسەلەگە ەرەكشە توقتالعىم كەلەدى. نۇرسۇلتان نازارباەۆتىڭ 1991 جىلى سەمەي يادرولىق سىناق پوليگونىن جابۋى الەم جۇرتشىلىعى ءۇشىن ۇلگى-ونەگە بولدى. ەكىنشىدەن, ەلباسى قازاق ەلىنىڭ استاناسىن ءوز قولىمەن سالدى. ونىڭ ءار عيماراتىنىڭ ەرەكشەلىگى, ءار كىرپىشى ەلباسىنىڭ سىن تەزىنەن ءوتتى. استانادا كوپتەگەن ساۋلەتتى, ادەمى عيماراتتاردى ايتپاعاندا, نازارباەۆ ۋنيۆەرسيتەتى سالىندى, وڭىرلەردە زياتكەرلىك مەكتەپتەرى ىسكە قوسىلدى. بۇل ەلىمىزدەگى ءبىلىم بەرۋ دەڭگەيىن كوتەردى. بۇگىندە ەلوردامىز بارشا ەل ماقتاناتىن باس قالاعا اينالدى. سوندىقتان قالانىڭ نۇر-سۇلتان بولىپ اتالۋى زاڭدىلىق دەپ ويلايمىن», دەدى ابات قىدىرشاەۆ.
ال ورالداعى №17 ورتا مەكتەپتىڭ ديرەكتورى تامارا ءرۋديچتىڭ ايتۋىنشا, قازىرگى كەزدە قازاقستان تۇراقتى دامىپ, گۇلدەنىپ كەلە جاتقان ەلدەردىڭ ءبىرى.
«بۇگىنى ەڭسەلى, ەرتەڭى جارقىن ەلدەگى جەتىستىكتەردىڭ ءبارى – ەلباسىنىڭ ساليقالى ساياساتىنىڭ جەمىسى. وسى ورايدا استانا ءوزىن تۇرعىزعان ساۋلەتشىسىنىڭ ەسىمىن الىپ وتىر. سوندىقتان بۇل وزگەرىستى تولىعىمەن قولدايمىز», دەدى ول.
سامبودان الەم چەمپيونى نۇربول سەرىكوۆ قازاقستاننىڭ بەرەكە-بىرلىگىن ارتتىرىپ, كوشىن العا سۇيرەگەن ەلباسىنىڭ ارقاسىندا ەلىمىزدىڭ مادەنيەتى مەن سپورتىن الەم تانىعانىن جەتكىزدى. «قازاق ەلىنىڭ كوك بايراعى دۇنيە ءجۇزىنىڭ تۇكپىر-تۇكپىرىندە كوتەرىلىپ, ءانۇرانىمىز ورىندالدى. ۇلكەن سپورتقا داڭعىل جول اشىلدى. ەلباسىمىزعا ىقىلاس-قۇرمەتىمىزدى وسىلايشا بىلدىرە وتىرىپ, الداعى ۋاقىتتا دا ەل نامىسىن ابىرويمەن قورعاۋعا ۇمتىلاتىن بولامىز», دەيدى ن.سەرىكوۆ.
باتىس قازاقستان وبلىسى
* * *
ءبىز قولدايمىز! ەلباسىنىڭ ەڭبەگى وتە زور. ەلباسىمىز باسقارىپ كەلگەن 30 جىلدىڭ ىشىندە ەلىمىز امان, جۇرتىمىز تىنىش بولدى. سوندىقتان ءوزى ىرگە تاسىن قالاعان استانا مەن نۇرسۇلتان ءبىر ۇعىم.
ادام بويساەۆ,
الماتى وبلىستىق «ۆايناح» چەشەن-ينگۋش مادەني بىرلەستىگىنىڭ توراعاسى
* * *
تاۋەلسىز قازاقستان تاريحىندا جاس ەلوردامىز استانا مەن قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ ەسىمى تىعىز بايلانىستى. بۇل قازاقستاندىقتارمەن قاتار, تاياۋ جانە الىس شەت ەلدەردىڭ ساياسي جانە ىسكەر توپتارى, قالىڭ جۇرتشىلىعى, عىلىمي جانە مادەني قاۋىمى ءۇشىن دە ايقىن اقيقات. بۇگىندە جاڭا ەلوردانى ەلدىڭ تۇڭعىش پرەزيدەنتى ن.نازارباەۆ سالعاندىعى تۋرالى فاكتىگە ەشكىم دە كۇمان كەلتىرە المايتىندىعىن نىق سەنىممەن ايتۋعا بولادى. ەلباسىنىڭ قالانى جاس مەملەكەتتىڭ ەلورداسى رەتىندە قالىپتاستىرۋ جانە دامىتۋداعى ءرولىن باعالاماۋ مۇمكىن ەمەس.
رۋسلان ۆاليشانوۆ,
الماتى وبلىستىق «تۋعان تەل» تاتار مادەني بىرلەستىگىنىڭ توراعاسى
* * *
نۇرسۇلتان ءابىش ۇلى – تاۋەلسىز قازاقستاننىڭ ارحيتەكتورى جانە نەگىزىن قالاۋشى. ۇلى دالادا بىزدەر جانە بۇكىل الەم سۇيسىنەتىن عاجايىپ ەلوردامىز استانانى سالدى.
ءبىزدىڭ جاس ەلوردامىز تۇڭعىش پرەزيدەنت نۇرسۇلتان ەسىمىن يەلەنۋگە لايىقتى, ويتكەنى ول ءىس جۇزىندە ايگىلى ابىلاي حاننىڭ ارمانىن جۇزەگە اسىردى: مەملەكەت قۇردى, بەيبىتشىلىك ورناتتى, جاڭا قالا سالدى.
اتساليم يديگوۆ,
قازاقستان حالقى اسسامبلەياسىنىڭ مۇشەسى
