ونىڭ ايتۋىنشا, بۇل وڭدەۋ ونەركاسىبىنىڭ 4%-كە قارقىندى ءوسۋى ەسەبىنەن ىسكە اسىرىلىپ وتىر.
ء«وسىمنىڭ نەگىزگى درايۆەرلەرى ماشينا جاساۋ (+14,1%),حيميالىق ونەركاسىپ (+8,1%),مۇناي وڭدەۋ (+8,8%), جەڭىل ونەركاسىپ (+4,4%)جانە مەتاللۋرگيا (+2,2%)سالالارى», دەدى مينيستر.
رومان سكليار وڭدەۋ ونەركاسىبى بويىنشا ەلىمىزدىڭ قاي وڭىرلەرى كوش باسىندا تۇرعانىن ايتتى.
«وڭىرلەر اراسىندا وڭدەۋ ونەركاسىبى ءوسىمىن قامتاماسىز ەتۋ بويىنشا ماڭعىستاۋ (112%), شىعىس قازاقستان (111,5%), باتىس قازاقستان (111,4%), اقتوبە وبلىستارى (108,8%), جانە استانا قالاسى (108,1%) كوش باسىندا كەلەدى».
سونىمەن قاتار مينيستر الداعى مىندەتتەرگە توقتالدى.
«بيىل ءبىز وڭدەۋ ونەركاسىبىنىڭ ءوسىمىن 104%-كە جەتكىزۋىمىز كەرەك.بۇل ءۇشىنوندىرىس كولەمىن ارتتىرۋ جانە جەتەكشىلىك ەتەتىن سالالاردا جۇمىس ورىندارىن ساقتاۋ شارالارى قابىلداناتىن بولادى. جالپى سوماسى 1,1 ترلن. تەڭگە بولاتىن120-عا جۋىق جوبانى ىسكە قوسۋ جوسپارلانىپ وتىر. وندا 20 مىڭ تۇراقتى جۇمىس ورنى قۇرىلادى», دەدى ول.
