ۇمىتتەن گورى كۇدىك باسىم بولاتىن. ەكونوميكالىق بايلانىستار ءۇزىلىپ, كاسىپورىندار جابىلىپ, جۇمىسسىزدىق كوبەيگەن ۋاقىتتا, ايلاپ ايلىق, جىلداپ جالاقى تولەنبەي تۇرعان كەزدە استانانى كوشىرۋ ەشقانداي ساناعا سىيمايتىن دۇنيە بولىپ كورىنەتىن. بىراق كوپ ۇزاماي مۇنىڭ ۇلى يدەيا ەكەنىنە كوزىمىز جەتتى. ەسىلدىڭ وڭ جاعالاۋىنداعى ەسكى قالا ادام تانىماستاي وزگەردى. سول جاعالاۋدا الەمدەگى وزىق ساۋلەتتىك ۇلگىدەگى عيماراتتار بوي كورسەتە باستادى. استانانىڭ قۇرىلىسى ەل ەكونوميكاسىنا ۇلكەن سەرپىن بەردى. ءوندىرىستى دامىتۋدىڭ, قۇرىلىس پەن قۇرىلىس يندۋسترياسىن وركەندەتۋدىڭ لوكوموتيۆىنە اينالدى. ەلورداعا قاراپ وبلىس ورتالىقتارى بوي تۇزەدى. اۋدان ورتالىقتارى كوركەيە ءتۇستى. اينالدىرعان 20 جىلدىڭ كولەمىندە قازاقستان استاناسى الەمنىڭ جاۋھارىنا اينالدى. سارىارقانىڭ سارى دالاسىنا استانا دايىن كۇيدە تۇسە سالعان سىي سياقتى كورىندى. سونىڭ ارتىندا قانشاما ەڭبەك پەن ەرلىك تۇرعانىن, كۇلكىسىز كۇندەر مەن ۇيقىسىز تۇندەر وتكەنىن بىرەۋ بىلسە, بىرەۋ بىلە بەرمەيدى. سوندىقتان بولسا كەرەك, ءبىز تۇك بولماعانداي باس قالانىڭ جاڭا اتاۋىنا بايلانىستى ءتۇرلى وي-پىكىر ايتىپ جاتامىز. ول دا دۇرىس شىعار. دەموكراتيالىق مەملەكەت قۇرىپ جاتقاننان كەيىن وي ءپليۋراليزمىنىڭ بولعانى دا وڭدى. بۇل الەمدە بولىپ جاتقان ءۇردىس. بىراق ءبىزدىڭ ءوز ءداستۇرىمىز, سالتىمىز بار. ءبىزدىڭ ەڭ ۇلكەن قۇندىلىعىمىز – بىرلىك پەن ىنتىماق. ءبىز ازاماتىمىزدى ارداقتاپ, ۇرپاعىمىزدى قۇنداقتاي بىلگەن حالىقپىز. وسى تۇرعىدان العاندا ەلباسىنىڭ تاۋەلسىز مەملەكەت تۇرعىزۋداعى شەكسىز ەڭبەگىن, تاريحي ءرولىن باعالاعان كەشەگى ساياسي وزگەرىستەر مەن قابىلدانعان تاريحي شەشىمدەر مەملەكەتىمىزدىڭ, حالقىمىزدىڭ وركەنيەتتىلىگىن كورسەتتى. وسى ارقىلى قازاقستان حالقى قاي كەزەڭدە بولسا دا پەندەشىلىكتەن, الاۋىزدىقتان, ارانداتۋشىلىقتان شەت تۇراتىنىن دالەلدەدى. بۇل شىنىندا قاي مەملەكەت بولسىن, جەتۋدى ماقسات تۇتاتىن شىنار بيىگى. سوعان ەلىمىز جەتىپ وتىر. قازاقستاندىقتاردىڭ باسىم كوپشىلىگى استانانىڭ نۇر-سۇلتان دەپ اتالۋىنا قولداۋ كورسەتۋدە. نۇر-سۇلتان اتاۋى استانامىزدى ودان ءارى بيىكتەتە تۇسەتىنىنە ەش كۇمان جوق. الەمدە نۇرسۇلتان مەن قازاقستان ەگىز ۇعىم سانالادى. ن.نازارباەۆتى حالىقارالىق دەڭگەيدەگى رەفورماتور, بەيبىتشىلىك باستامالارى مەن يدەيالاردىڭ اۆتورى, يادرولىق قارۋسىز الەم يدەياسىنىڭ باستاۋشىسى, تاۋەلسىز مەملەكەت قۇرۋدىڭ ارحيتەكتورى رەتىندە مويىنداعان الپاۋىت ەلدەردىڭ باسشىلارى دا, ءىرى ينۆەستورلار دا قازاقستانعا ۇلكەن سەنىممەن قارايتىنىنا ەشقانداي كۇمان جوق. وسىنىڭ بارلىعىنا «تاۋبە» دەگىمىز كەلەدى.
ءالي بەكتاەۆ,
«اۋىل» حالىقتىق-دەموكراتيالىق پاتريوتتىق پارتياسىنىڭ توراعاسى,
سەنات دەپۋتاتى
