قازاقستان • 24 ناۋرىز، 2019

استانا مەن الماتى تمد-دا ەڭ تانىمال قالالاردىڭ قاتارىنا قوسىلدى

868 رەتكورسەتىلدى

ءۇشىنشى جىل قاتارىنان سينگاپۋر الەمدەگى ەڭ قىمبات قالا بولىپ تانىلدى. بۇل تۋرالى Economist Intelligence Unit (EIU) بريتانيالىق عىلىمي-زەرتتەۋ ورتالىعى حابارلادى.

ساراپشىلار رەيتينگ جاساۋ كەزىندە 160 تاۋار مەن قىزمەت ءتۇرىن ەسكەرگەن. ەكىنشى ورىندا تسيۋريح (شۆەيتساريا)، ال ءۇشىنشى ورىندا گونكونگ (سيانگان) قالاسى ورنالاستى. العاشقى وندىققا جەنەۆا (شۆەيتساريا)، پاريج (فرانتسيا)، لوندون ( ۇلىبريتانيا)، نيۋ-يورك (اقش)، كوپەنگاگەن (دانيا)، سەۋل (كورەيا رەسپۋبليكاسى) جانە لوس-اندجەلەس (اقش) كىردى. ەڭ ارزان مەگاپوليستەرگە زامبيا استاناسى لۋساكا، سونىمەن قاتار ۇندىلىك بانگالور مەن مۋمباي بار. بۇل وندىقتا الماتى (قازاقستان)، الجير (الجير)، چەنناي ء(ۇندىستان)، كاراچي (پاكىستان)، نيۋ-دەلي ء(ۇندىستان)، داماسك (سيريا) جانە كاراكاس (ۆەنەسۋەلا) قالالارى كىردى.

EIU باعالاۋى بويىنشا، الماتىدا ناننىڭ ءبىر كەلىسى 0،95 دوللار تۇرادى (361 تەڭگە)، سىرانىڭ ءبىر شولمەگى شامامەن 0،92 دوللار (350 تەڭگە)، ەرلەر كوستيۋمى (پيدجاك جانە شالبار) – 270 دوللار (103 مىڭ تەڭگە)، ايەلدەردىڭ شاشىن قيۋ – 14،56 دوللار (5500 تەڭگە).

الەمدەگى ەڭ قىمبات قالا سينگاپۋرمەن سالىستىراتىن بولساق، وندا ناننىڭ ءبىر كەلىسى 3،4 دوللار ەكەن، سىرا – 2،37 دوللار، كوستيۋم 2000 دوللار، ال شاش قيۋ -119 دوللار شاماسىندا.

ەڭ ارزان دەپ تانىلعان كاراكاس قالاسىنداعى باعالار الماتىعا قاراعاندا ءبىراز وزگەشەلەۋ. ماسەلەن، ول جاقتا ەرلەر كوستيۋمى بىزگە قاراعاندا ەكى ەسە قىمبات – 469 دوللار تۇرادى، ال شاش قيۋ بار بولعانى 1،77 دوللار عانا.

الماتى الەمدەگى ەڭ قىمبات قالالار رەيتينگىندە 133-ورىننان كو

بيىل پاريج بىلتىرعى ءتورتىنشى ورىننان ءبىرىنشى ورىنعا كوتەرىلگەن. گونكونگ تە ءۇش ساتىعا جوعارىلاپ، پاريج، سينگاپۋر قالالارىمەن قاتار ورنالاسقان. جىل سايىنعى زەرتتەۋ پلانەتانىڭ 133 قالاسىنداعى قاجەتتى دەگەن 150-دەن استام زاتتىڭ باعاسىنا نەگىزدەلگەن.

تىزىمگە ازيا مەن ەۋروپاداعى اسا قىمبات 10 قالا ەندى. ولاردىڭ العاشقى وندىعىنىڭ رەتى تومەندەگىدەي: 1. سينگاپۋر 1. پاريج، فرانتسيا 1. گونكونگ 4. تسيۋريح، شۆەيتساريا 5. جەنەۆا، شۆەيتساريا 5. وساكا، جاپونيا 7. سەۋل، وڭتۇستىك كورەيا 7. كوپەنگاگەن، دانيا 7. نيۋ-يورك 10. تەل-اۆيۆ، يزرايل 10. لوس-اندجەلەس، اقش ۆەنەسۋەلادا ينفلياتسيا دەڭگەيى بىلتىر 1 ملن پايىزعا جۋىقتاپ، ۇكىمەت جاڭا ۆاليۋتا شىعارۋعا ءماجبۇر بولدى.

 «بلۋمبەرگ» اگەنتتىگىنىڭ مالىمەتىنشە، كاراكاستا ءبىر شاشكە كوفەنىڭ باعاسى 400 بوليۆار نەمەسە 0،62 دوللار. ال سيريا استاناسى داماسك ەكىنشى ورىننان كورىنسە، تاشكەنت پەن الماتى سايكەسىنشە ءۇشىنشى جانە ءتورتىنشى ورىنداردى يەلەندى. ال التىنشى جانە جەتىنشى پوزيتسيالار ءتورت قالاعا بۇيىردى. الەمنىڭ ەڭ ارزان قالالارى: 1. كاراكاس (ۆەنەسۋەلا) 2. داماسك (سيريا) 3. تاشكەنت (وزبەكستان) 4. الماتى 5. بانگالور ء(ۇندىستان) 6. كاراچي (پاكىستان) 6. لاگوس (نيگەريا) 7. بۋەنوس-ايرەس (Aرگەنتينا) 7. چەنناي ء(ۇندىستان) 8. نيۋ-دەلي ء(ۇندىستان) ۇقساس شىعىن نەمەسە عالامدانۋ قىمباتشىلىق جاعىنان جاپونيانىڭ وساكاسى 2019 جىلى 5 پوزيتسياعا ءوسىپ، التىنشى ورىندى جەنەۆامەن ءبولىستى. ال نيۋ-يورك پەن لوس-اندجەلەس - ءتىزىمنىڭ العاشقى وندىعىنا كىرگەن سولتۇستىكامەريكالىق قالالار. نيۋ-يورك پەن كوپەنگاگەن جەتىنشى، لوس-اندجەلەس پەن تەل-اۆيۆ – 10- پوزيتسيادا. ەۋروپادا تسيۋريح پەن جەنەۆا ءۇي شارۋاشىلىعىنا، جەكە گيگيەنعا، دەمالىس پەن كوڭىل كوتەرۋگە كوپ شىعىندالاتىندىقتان، ەڭ قىمبات قالالار تىزىمىندە سايكەسىنشە ءتورتىنشى جانە بەسىنشى ورىندارعا شىقتى.

كوپەنگاگەننىڭ جەتىنشى ساتىعا كوتەرىلۋىنە وندا تاسىمالداۋ مەن دەمالىستىڭ جانە كۇتىنۋ قۇنىنىڭ ءوسۋى سەبەپشى. ستامبۇل بولسا، بىلتىر تۇرىك ليراسى ايتارلىقتاي السىرەگەندىكتەن، بۇل رەيتينگتە 48 ورىن جوعالتىپ، بيىل 120-شى ورىندا تۇر. بىراق بريتان استاناسىندا ءومىر قىمباتتاعان. سوندىقتان لوندون - 22- ورىندا.

ء«بىز پاريج، سينگاپۋر، تسيۋريح، جەنەۆا، كوپەنگاگەن، گونكونگ ءتارىزدى ءداستۇر بويىنشا قىمبات قالالاردا شىعىنداردىڭ ۇقساستىعىن بايقادىق. مۇنىڭ ءبارى الەمدەگى تالعام مەن ساتىپ الۋ مودەلدەرى سايكەستىگى مەن عالامدانۋدىڭ كورىنىسى»، – دەيدى وسى زەرتتەۋدىڭ رەداكتورى روكسانا سلاۆچەۆا. قازاقستاندىق ساراپشىلار بولسا، الماتىنىڭ الەمدەگى ارزان قالالاردىڭ قاتارىنا قوسىلۋىنا تاشكەنتتىڭ مۋلتيپليكاتيۆتى اسەرى بارىن ايتادى. الماتى، تاشكەنت، بىشكەك قالالارى اكىمدەرى قول قويعان كەلىسىمدەر الماتىعا ەكى ەلدەن كەلەتىن كوكونىستەر، ءسۇت جانە ەت ونىمدەرىنىڭ باعاسى كوتەرىلىپ كەلمەۋىنە ىقپالىن تيگىزسە كەرەك.

ال سول كەزدە «قازاقستاننىڭ ەكى قالاسى استانا مەن الماتى تۋرستات ساراپتامالىق اگەنتتىگىنىڭ 2018  كۇزدەگى ساياحاتتاۋعا قولايلى تمد قالالارىنىڭ ىشىندە رەسەيلىك تۋريستەرگە تانىمال وندىقتىڭ العاشقى بەستىگىنە ەندى، دەپ حابارلايدى اگەنتتىكتىڭ ءباسپاسوز ءبولىمى.

2017 جىلى دا استانا تمد-دا  تۋريستەرگە تانىمال قالا رەتىندە العاشقى ۇشتىكتە تۇر ەكەن. 

 «2017 جىلدىڭ كۇزىندەگى تۋريستەرگە تانىمال تمد قالالارى: 1) مينسك (بەلارۋس); 2) استانا (قازاقستان); 3) باكۋ (ازەربايجان); 4) ەرەۆان (ارمەنيا); 5) الماتى (قازاقستان); 6) تاشكەنت (وزبەكستان); 7) اشحاباد (تۇرىكمەنستان); 8) كيەۆ (ۋكراينا); 9) كيشينەۆ (مولدوۆا); 10) بىشكەك (قىرعىزستان)، - دەپ جازادى قازاقستاننىڭ رف-داعى ەلشىلىگىنىڭ سايتى.

 «بۇل رەيتينگ تۋريستەردى ورنالاستىرۋ قۇرالدارىنىڭ ونلاين-تىركەۋ جۇيەسىنىڭ مالىمەتتەرىنە ساراپتاما جاساۋ ناتيجەسى بويىنشا قۇراستىرىلدى»، - دەپ حابارلايدى ەلشىلىكتىڭ رەسمي مالىمدەمەسى.  

تۋرستات مالىمەتتەرىنە سايكەس، تۋريستەر مينسك قالاسىنا كۇز مەزگىلىندە ورتا ەسەپپەن العاندا 2،5 كۇنگە كەلىپ، جاتار ورىنعا تاۋلىگىنە 70 دوللار جۇمسايدى. تۋريستەر ءۇشىن تمد كولەمىندەگى ەڭ ارزان قالالار - بىشكەك پەن كيشينەۆ بولسا، ەڭ قىمباتى - استانا مەن باكۋ.

«ورتا ەسەپپەن العاندا استاناعا 2 كۇن، تاۋلىگىنە 85 دوللار، باكۋ - 3 كۇن، تاۋلىگىنە 78 دوللار، ەرەۆان - 3 كۇن، تاۋلىگىنە 67 دوللار، الماتى - 3،5 كۇن، تاۋلىگىنە 65 دوللار، تاشكەنت - 2 كۇن، تاۋلىگىنە 43 دوللار، اشحاباد - 3 كۇن، تاۋلىگىنە 40 دوللار، كيەۆ - 2 كۇن، تاۋلىگىنە 56 دوللار، كيشينەۆ - 1 كۇن، تاۋلىگىنە 35 دوللار، بىشكەك - 1 كۇن، تاۋلىگىنە 32 دوللار»، - دەپ كورسەتتى اگەنتتىك.

گۇلبارشىن ساباەۆا،

 «ەqemen Qazaqstan»

الماتى

 

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار