«قازاقستان جانە رەسەي كوماندالارى اراسىنداعى ەۋروپا چەمپيوناتىنا ىرىكتەۋ راۋندىنىڭ وتۋىنە بايلانىستى 24 ناۋرىزدا قالانىڭ سول جاق جاعالاۋىنداعى تۇران, قابانباي باتىر داڭعىلدارى, كەرەي مەن جانىبەك حاندارى, سارايشىق سياقتى كوشەلەردە كەپتەلىستەردىڭ تۋىنداۋى مۇمكىن ەكەندىگىن حابارلايمىز», دەپ جازدى ءوزىنىڭ فەيسبۋكتەگى پاراقشاسىندا قوعامدىق دامۋ ىستەرى باسقارماسىنىڭ باسشىسى دانيار ەسين.
قازاقستان فۋتبول فەدەراتسياسىنىڭ مالىمەتى بويىنشا ماتچتى كورۋگە نيەتتىلەردىڭ سانى كوپ. «وسىعان وراي ءوز باعدارىڭىزدى الدىن الا جوسپارلاۋىڭىزدى سۇرايمىز. ال ويىندى كورگىسى كەلەتىن فۋتبول جانكۇيەرلەرىنە «استانا-ارەنا» ستاديونىنا ماتچتىڭ باستالۋ ۋاقىتىنان ەكى ساعات بۇرىن كەلۋگە كەڭەس بەرەمىز», دەپ اتاپ ءوتتى ەسين.
قازاقستان جانە رەسەي كوماندالارى اراسىنداعى ماتچ بۇگىن ساعات 20:00-دە باستالادى.
