كەزدەسۋ بارىسىندا مەملەكەت باسشىسىنا «سامۇرىق-قازىنا» اكتسيونەرلىك قوعامىنىڭ بيىلعى ەكى ايدا اتقارعان جۇمىستارىنىڭ ناتيجەلەرى تۋرالى ەسەپ بەرىلدى جانە قوردىڭ دامۋ ستراتەگياسىن جۇزەگە اسىرۋ اياسىنداعى جوسپارلارى جونىندە باياندالدى.
سونىمەن قاتار, قازاقستان پرەزيدەنتىنە «سامۇرىق-قازىنا» اكتسيونەرلىك قوعامىنىڭ كومپانيالارىن IPO-عا شىعارۋ جانە قور اكتيۆتەرىن جەكەشەلەندىرۋ ۇدەرىستەرى جونىندە مالىمدەلدى.
اxمەتجان ەسىموۆ قور جۇمىسىنىڭ وڭ ناتيجەلەرىن اتاپ ءوتتى. قور قۇرامىنا كىرەتىن كومپانيالار وڭ قارجى كورسەتكىشتەرىن كورسەتتى. قوردىڭ ءىرى سەگىز كومپانياسىنىڭ تابىسى 2017 جىلمەن سالىستىرعاندا ۇلعايدى. وسىلايشا, قوردىڭ كومپانيالار توبىنىڭ نەگىزگى قىزمەتىنەن تۇسەتىن تابىسى 8,5 ترلن. تەڭگەدەن استى جانە 2018 جىلى 35 %- عا ارتتى.
تازا پايدا 1,1 ترلن. تەڭگەنى قۇرادى, بۇل 2017 جىلعا قاراعاندا ەكى ەسە كوپ. ديۆيدەند كولەمى ەكى ەسەدەن استامعا ارتىپ, 296 ملرد. تەڭگەنى قۇرادى. قور كومپانيالار توبىنىڭ قارىز دەڭگەيى 1 تريلليون تەڭگەگە قىسقاردى. سىرتقى قارىز 4 ملرد. اقش دوللارىنا قىسقاردى.
مەملەكەتتىك بيۋدجەتكە اۋدارىمداردىڭ كولەمى 1,1 ترلن. تەڭگەنى قۇرادى, بۇل 2017 جىلمەن سالىستىرعاندا 40% ارتىق. وڭ وندىرىستىك قارجىلىق ناتيجەلەر قورعا دەنساۋلىق ساقتاۋ, سالاۋاتتى ءومىر سالتى, مەديتسينا, ءبىلىم بەرۋ جانە قايىرىمدىلىق سالاسىنداعى الەۋمەتتىك باعدارلامالاردى جۇزەگە اسىرۋدى جالعاستىرۋعا جانە كەڭەيتۋگە مۇمكىندىك بەردى.
احمەتجان ەسىموۆ مەملەكەت باسشىسىنا اعىمداعى جىلعا قوردىڭ نەگىزگى جوسپارلارى مەن مىندەتتەرى تۋرالى باياندادى. وسىلايشا, قوردىڭ جوسپارلارى: «قازاقتەلەكوم» اق مەن «ەير استانا» اكتسيالارىن IPO-عا شىعارۋ, «سارىارقا» گاز قۇبىرىنىڭ قۇرىلىسى, «Fly Arystan» اۆيا كومپانياسىن ىسكە قوسۋ مەن بولاشاق ۇرپاق قورىن قۇرۋعا باعىتتالعان.
كەزدەسۋ سوڭىندا قاسىم-جومارت توقاەۆ بىرقاتار ناقتى تاپسىرما بەردى.
