ۋيليام كورتنيدىڭ ايتۋىنشا, تاۋەلسىز قازاقستاننىڭ جاڭا كوشباسشىسى رەتىندە ن.نازارباەۆ 1991 جىلدان باستاپ جاس مەملەكەتكە قاۋىپ توندىرگەن بىرقاتار داعدارىستان ەلدى امان الىپ شىقتى.
«جاڭا مەملەكەت جەر كولەمى بويىنشا الەمدە توعىزىنشى ورىنعا يە, مۇناي قورىنا باي. وسى ورايدا, قازاقستاندا كسرو-دان قالعان يادرولىق قارۋدىڭ ءتۇر-ءتۇرى بولعانىن ايتا كەتكەن ءجون. نازارباەۆ قازاقستاننىڭ تاۋەلسىزدىگى نىعايۋىنا ەڭبەك ەتىپ, يادرولىق قارۋ قورىن اقش-تىڭ قولداۋىمەن رەسەيگە تاپسىردى. سودان كەيىن Chevron, Mobil سەكىلدى كوپتەگەن كومپانيامەن كەلىسىمگە كەلىپ, باتىسقا قۇبىر جۇرگىزدى» دەيدى ۋ.كورتني.
سونداي-اق ۋ.كورتني ەلباسىنىڭ يادرولىق قارۋدان باس تارتۋ تۋرالى شەشىمىن جوعارى باعالايتىنىن مالىمدەدى.
«ول كەڭەس ۇكىمەتى قۇلاعاننان كەيىن بيلىككە كەلگەن ەڭ كورەگەن مەملەكەت باسشىسى ەدى» دەيدى 1992-1995 جىلدارى اقش-تىڭ قازاقستانداعى العاشقى ەلشىسى قىزمەتىن اتقارعان ۋيليام كورتني. «ول يادرولىق قارۋدان باس تارتۋ ارقىلى ابىرويعا يە بولدى. بۇل تاۋەلسىز قازاقستانعا قۇرمەتپەن قاراتۋدىڭ ءتيىمدى ءتاسىلى ەدى».
ۋ.كورتنيدىڭ سوزىنە قاراعاندا, كۇردەلەنگەن حالىقارالىق جاعدايدا كوشباسشىلىق تانىتۋ كەلەسى پرەزيدەنتتىڭ نەگىزگى باعىتى بولۋى ءتيىس.
