ءتورت قاباتتى عيماراتتا ورنالاسقان «MEDIKER 4ك» ورتالىعىندا تۇرعىندارعا مەديتسينالىق قىزمەتتىڭ بارلىق ءتۇرى كورسەتىلەدى. كلينيكادا سونداي-اق العاشقى سپورتتىق مەديتسينا ورتالىعى جۇمىس ىستەيدى. وندا كاسىپقوي سپورتشىلار دايىندىق پەن وڭالتۋ پروتسەستەرىن وتە الادى. زاماناۋي ۇلگىدە اشىلعان كلينيكا جەتەكشىلەرى تاۋلىگىنە 500-گە دەيىن ادام قابىلداي الامىز دەپ وتىر. ال, مىندەتتى الەۋمەتتىك مەديتسينالىق ساقتاندىرۋ ء(مامس) شەڭبەرىندە مەملەكەتتىك-جەكەمەنشىك ارىپتەستىك باعدارلاماسى بويىنشا 30 000 ادامعا دەيىن قىزمەت كورسەتەدى. مۇندا ناۋقاستارعا جوعارى جايلىلىق جاعدايىندا ديناميكالىق باقىلاۋ مەن دەربەستەندىرىلگەن ءتاسىلدى جۇزەگە اسىرۋعا مۇمكىندىك بەرەتىن دياگنوستيكالىق جانە ەمدىك قىزمەتتەر كەشەنى قامتىلادى.
MEDIKER كومپانيالار توبىنىڭ بارلىق مەديتسينالىق ورتالىقتارىن بىرىڭعاي تسيفرلىق كەڭىستىككە بىرىكتىرەتىن جەكە مەديتسينالىق اقپاراتتىق جۇيەسى بار ەكەنىن اتاپ وتكەن ءجون. ايتالىق, تسيفرلىق تەحنولوگيالاردىڭ ارقاسىندا, مىسالعا, استاناداعى MEDIKER دارىگەرلەرى شىمكەنت قالاسىنداعى ارىپتەستەرىنە قاشىقتىقتان كەڭەس بەرە الادى.
سونىمەن قاتار, «MEDIKER 4ك» كلينيكاسىنىڭ بازاسىندا ۇلتتىق وليمپيادا كوميتەتىمەن, سپورتتىق جەكپە-جەك كونفەدەراتسياسىمەن جانە سپورتتىق مەديتسينا فەدەراتسياسىمەن تىعىز ىنتىماقتاستىق اياسىندا سپورتتىق مەديتسينا ورتالىعى اشىلعان. الدىڭعى قاتارلى سپورتشىلار, حالىقارالىق بىرىنشىلىكتەر مەن وليمپيادا ويىندارىنىڭ چەمپيوندارى مەن جۇلدەگەرلەرى قالپىنا كەلتىرۋ جانە فيزيوتەراپيالىق ەم الادى. ورتالىقتىڭ نەگىزگى باعىتى - بالالارعا قامقورلىق كورسەتۋ. استانا, الماتى, اتىراۋ سياقتى قالالاردا پەدياتريالىق كومەك كورسەتۋ سالاسىندا كوپجىلدىق جۇمىس تاجىريبەسى بولا وتىرىپ, مEDIKER كومپانياسى شىمكەنت قالاسىندا دا قىزمەت كورسەتۋ ايماعىن كەڭەيتكەن. كلينيكادا كوپجىلدىق تاجىريبەسى بار 3 000-عا جۋىق دارىگەر مەن مەديتسينا ماماندارى جۇمىس ىستەيدى.
