سالت اتتى ادام شەكارالىق اسپارا وزەنىنەن ءوتىپ, مەملەكەتتىك شەكارانىڭ سىمتەمىر قورعانىن كەسىپ, بەرگى بەتكە وتە باستاعان كەزدە كەلىپ قالعان شەكارا ناريادىن كورىپ كەرى قاراي جالت بۇرىلادى. كورىنبەيتىن سىمتەمىرلى كەدەرگىگە شىرماتىلىپ قالعان ول اتىن تاستاي سالىپ, كورشى ەلدىڭ اۋماعىنا كىرىپ ۇلگەردى. اتتى قولعا تۇسىرگەن قازاقستاندىق شەكاراشىلار كورشىلەس مەملەكەتتىڭ شەكاراشىلارىن بولعان جاعداي تۋرالى قۇلاقتاندىرعان.
قورعاستا مەديتسينالىق زاتتار كونترابانداسىمەن 25 جاستاعى قازاقستاندىقتى ۇستادى. ۇستالعان ازامات حالىقارالىق شەكارا بويى ىنتىماقتاستىعى ورتالىعىنان وزىمەن بىرگە 4 قوراپ حيرۋرگيالىق ءجىپ مەن ينە, 1 قوراپ اناليز جيناۋعا ارنالعان ۆاكۋتەينەرلەر الا كىرمەك بولىپتى. كونتراباندالىق جۇكتىڭ جالپى سالماعى - 28 كگ.
