— ءبىز وقۋ-جاتتىعۋ جيىنىن 16 ناۋرىزدا باستادىق. قازاقستان چەمپيوناتىنىڭ ويىندارىن كەيىنگە شەگەرىپ, ۇلتتىق قۇرامانىڭ دايىندىعىنا بارلىق جاعداي جاساپ بەرگەنى ءۇشىن فەدەراتسياعا العىس بىلدىرەمىن. وكىنىشكە قاراي, ەرتەڭگى ويىنعا جاراقاتىنا بايلانىستى باۋىرجان يسلامحان مەن يۋري لوگۆينەنكو قۇراماعا كومەكتەسە المايدى. قالعان فۋتبولشىلار ماتچقا ساقاداي ساي.
— ەرتەڭگى ويىندا قازاقستان قۇراماسىنىڭ مۇمكىندىگى قانداي؟
— ءبىز شوتلانديا قۇراماسىنىڭ ۇلتتار ليگاسىنداعى بىرنەشە ويىنىن كوردىك. جيناقى كوماندا ەكەنىن, دوپتى ءوز ايماعىنان شابۋىلشىلارعا جىلدام جەتكىزەتىنىن بايقادىم. سونداي-اق ولار قاپتالدا جاقسى وينايدى. سەبەبى سوڭعى گولدارىن قاپتالدان ۇيىمداستىرىلعان شابۋىل ارقىلى سوعىپ ءجۇر. دەگەنمەن, ەرتەڭ ءبىزدىڭ جىگىتتەر جانكۇيەرلەرگە توسىن سىي جاسايدى دەگەن ۇمىتتەمىن.
— ءسىز 2010 جىلى چەحيا قۇراماسىنىڭ باس باپكەرى رەتىندە شوتلانديا قۇراماسىمەن كەزدەستىڭىز. قالاي ويلايسىز, بريتانيالىق كوماندا 9 جىلدا قانشالىقتى وزگەرگەن؟
— ءبىز ءوز الاڭىمىزدا 1:0 ەسەبىمەن جەڭىپ, سىرت الاڭدا تەڭ تۇسكەنبىز. مەنىڭشە, شوتلانديا قۇرماسى بۇرىنعىعا قاراعاندا ويىن جاعىنان كۇشەيگەن.
— باقتيەر زاينۋدينوۆ پەن مەركەلدىڭ قۇراماعا كەلە جاتقانىن ەستىدىك. ولارعا قانشالىقتى سەنىم ارتاسىز؟
— مەركەل ءبىزدىڭ سىرتتا وينايتىن تالانتتى ويىنشىمىز. بارلىق ويىنعا قاتىسىپ كەلەدى. گوللانديا كۋلبىنىڭ باپكەرى ونىڭ ويىنىن جوعارى باعالاپ, الاڭدا كوپ جاعدايدى شەشىپ كەتۋگە مۇمكىندىگى جوعارى ەكەنىن اتاپ ءوتتى. زاينۋتدينوۆ جايلى دا سولاي ايتۋعا بولادى. ونىڭ «روستوۆتاعى» باپكەرلەرىمەن دە سويلەسىپ تۇرامىز. بارلىعى ونى ماقتاپ جاتىر.
— بىلتىر الەكسەي ششەتكيننىڭ ويىنىن كوپ سىن ايتىلدى. كوپ رەتتە قوسالقى قۇرامدا وتىرىپ قالدى. ال «ورداباسى» ساپىندا 1 گول سوعىپ, 3 نتايجەلى پاس اسىردى. ەرتەڭگى ويىندا نەگىزگى قۇرامدا شىعۋى مۇمكىن بە؟
— ششەتيكين سوڭعى ويىنداردى جوعارى دەڭگەيدە وتكىزىپ ءجۇر. بىراق, ەرتەڭ نەگىزگى قۇرامدا كىم شىعاتىنىن قازىر ايتا المايمىن. دەگەنمەن الەكسەيدىڭ قازىرگى دايىندىعى جامان ەمەس. بۇگىن كەشكى جاتتىعۋ وتكەن سوڭ, ەرتەڭگى ويىندا نەگىزگى شابۋىلشىمىز كىم بولاتىنىن ايتامىن.
ءالي بيتورە,
«Egemen Qazaqstan»
