قازاقستان حالقى وبلىستىق اسسامبلەياسىندا وتكەن قويىلىم 12-ءشى وبلىستىق «تەاترلىق رازەزد» اتتى وقۋشىلار فەستيۆالى اياسىندا ساحنالاندى. ونى قازاقستانداعى فرانتسيانىڭ توتەنشە جانە وكىلەتتى ەلشىسى فيليپپ مارتينە تاماشالادى. وقۋ ورداسىنىڭ شاكىرتتەرى قازاق, ورىس جانە اعىلشىن تىلىنەن بولەك نەمىس جانە فرانتسۋز تىلدەرىن دە مەڭگەرەدى.
«فرانتسۋز ءپانىنىڭ مۇعالىمى بىزگە ل.تولستويدىڭ «سوعىس جانە بەيبىتشىلىك» رومانى نەگىزىندە سپەكتاكل قويۋعا ۇسىنىس جاساپ, بىردەن كەلىستىك. فرانتسۋز ءتىلىن 3 سىنىپتان باستاپ ۇيرەنىپ كەلە جاتقاندىقتان ەش قيىندىق تۋدىرعان جوق. جۇرتشىلىق جىلى ىلتيپاتپەن قابىل الدى», دەيدى 10 سىنىپ وقۋشىسى ناتاليا پلوتنيكوۆا.
سپەكتاكل «سقو ورىس قاۋىمى» قوعامدىق بىرلەستىگىنىڭ باستاماسىمەن ل.تولستويدىڭ 190 جىلدىعىنا وراي قويىلدى. قوعامدىق بىرلەستىك توراعاسىنىڭ ورىنباسارى ۆيكتور ءدۋبروۆيننىڭ ايتۋىنشا, «بەست» گيمنازياسى لينگۆيستيكالىق باعىتتا بولعاندىقتان, وقۋشىلار تاپسىرماعا وتە جاۋاپتىلىقپەن قاراپ, تالاپتاعىداي ورىنداپ شىققان. وبلىستىق ورىس دراما تەاترى تاراپىنانا اقىل-كەڭەستەر بەرىلگەن.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
