رومان سكلياردىڭ, 1-توقساننىڭ سوڭىنا دەيىن 45,7 ملرد تەڭگەمەن قارجىلاندىرۋ قاراستىرىلعان, ونىڭ ىشىندە 30,7 ملرد تەڭگە اكىمدىكتەر تارتقان قارجى.
«الماتى قالاسى, اتىراۋ, اقتوبە, شىعىس قازاقستان, قاراعاندى, قىزىلوردا, سولتۇستىك قازاقستان, ماڭعىستاۋ, الماتى وبلىستارىنا وزدەرىنىڭ وبليگاتسيالارىن شىعارۋ پروتسەدۋرالارىن جىلدامداتۋ قاجەت.
سونىمەن قاتار, اكىمدىكتەرگە بيىل 2017 جىلى بۇرىن شىعارىلعان جالپى قۇنى 65,9 ملرد تەڭگە بولاتىن وبليگاتسيالار بويىنشا قارىزدارىن الدىن-الا جابۋى قاجەت. قوستاناي, شىعىس قازاقستان, پاۆلودار جانە باتىس قازاقستان وبلىستارىنىڭ اكىمدىكتەرى وزدەرىنىڭ 5,9 ملرد تەڭگە وبليگاتسيالىق قارىزدارىن وتەدى. قالعان وڭىرلەردى وبليگاتسيالار بويىنشا قارىزدارىن وتەۋ پروتسەدۋرالارىنجىلدامداتۋدى سۇرايمىز» دەدى مينيستر.
انىقتاما: 2019 جىلى وبليگاتسيالارىن جابۋ قالعان استانا (4,9 ملرد), الماتى (7,1 ملرد), شىمكەنت (5,1 ملرد) قالالارى, اقمولا (0,4 ملرد), اقتوبە (13,0 ملرد), الماتى (3,5 ملرد), اتىراۋ (1,3 ملرد), شقو (0,9 ملرد), جامبىل (3,2 ملرد), قاراعاندى (5,2 ملرد), قوستاناي (3,7 ملرد), ماڭعىستاۋ (4,5 ملرد), پاۆلودار (2,0 ملرد), سقو (1,6 ملرد).
اكىمدىكتەر وزدەرىنىڭ وبليگاتسيالارىن الدىن-الا وتەپ, 1 جۇمىس كۇنى ىشىندە قايتا جاڭا وبليگاتسيالىق زايمدار الا الادى.
اتالعان شارالار قارجىلىق رەسۋرستاردى بارلىق وڭىرلەردە دەر كەزىندە جەتكىزۋدى جانە بيىل جوسپارلانعان قۇرىلىس كولەمدەرىنە قول جەتكىزۋدى قامتاماسىز ەتەدى.
