«ساتىپ الۋ قۇقىعىنسىز جالعا بەرىلەتىن تۇرعىن ۇيلەردىڭ قۇرىلىسى ءۇشىن وڭىرلەرگە رەسپۋبليكالىق بيۋدجەتتەن 32,8 ملرد تەڭگە قاراستىرىلعان. شامامەن 4,5 مىڭ پاتەردىڭ قۇرىلىسى جوسپارلانۋدا», دەدى رومان سكليار.
سونىمەن قاتار مينيستر مەملەكەت باسشىسىنىڭ «نۇر وتان» پارتياسىنىڭ ءXVىىى سەزىندە بەرگەن تاپسىرمالارىن ىسكە اسىرۋ ءۇشىن 2019 جىلعا بيۋدجەتتى ايقىنداۋ اياسىندا كوپبالالى وتباسىلار ءۇشىن جالدامالى تۇرعىن ءۇيدىڭ قۇرىلىسىنا جانە ساتىپ الۋعا وڭىرلەرگە 50 ملرد تەڭگە بولىنەتىنىن ايتتى.
«جالپى اتالعان ءىس-شاراعا 7 جىل ىشىندە 350 ملرد تەڭگە قاراستىرىلعان. بۇل جىل سايىن 6 مىڭ كوپ بالالى وتباسىنى پاتەرمەن قامتاماسىز ەتۋگە مۇمكىندىك بەرەدى. ياعني, 7 جىلدا 40 مىڭنان استام پاتەر بەرىلەدى دەگەن ءسوز. بۇل ءۇشىن بۇگىن 25 ملرد. تەڭگەنىڭ قۇرىلىس جوبالار ءتىزىمى جاسالدى. دايىن پاتەرلەردى ساتىپ الۋ ءۇشىن 25 ملرد. تەڭگە قاراستىرىلعان. بۇل كوپبالالى وتباسىلاردىڭ تۇرعىن ءۇي ماسەلەلەرىن شەشۋدى تەزدەتۋگە ىقپال ەتەدى. ليميت سوماسى وڭىرلەردەگى əكىمدىكتەردە كەزەكتە تۇرعان كوپبالالى وتباسىلاردىڭ سانىنا نەگىزدەلەدى», دەدى ول.
ايتا كەتەيىك, رەسپۋبليكا بويىنشا 280 مىڭعا جۋىق الەۋمەتتىك ءالسىز وتباسى كەزەكتە تۇر. ولاردىڭ ىشىندە 61 مىڭ جەتىم, 104,2 مىڭ تولىق ەمەس جانە 28,1 مىڭ كوپ بالالى وتباسى بار.
سونداي-اق مينيستر «تۇركىستان وبلىسىندا 4 832 كوپبالالى وتباسى كەزەكتە تۇر. وسىعان بايلانىستى وڭىرگە پروپورتسيونالدى 8,6 ملرد تەڭگە بولىنۋدە. بۇل قاراجاتتان 4,3 ملرد تەڭگە قۇرىلىسقا, قالعان 4,3 ملرد تەڭگە دايىن پاتەر ساتىپ الۋعا بەرىلەدى. سولتۇستىك قازاقستان وبلىسىنداعى 342 وتباسىعا بەرىلەتىن ليميت 700 ميلليون تەڭگەنى قۇرايدى» دەپ اتاپ ءوتتى.
