قازاقستان • 19 ناۋرىز، 2019

پلەنارلىق سەسسياعا قاتىستى

770 رەتكورسەتىلدى

كونستيتۋتسيالىق كەڭەستىڭ توراعاسى قايرات ءمامي ەۋروپا كەڭەسىنىڭ قۇقىق ارقىلى دەموكراتيا ءۇشىن ەۋروپالىق كوميسسيانىڭ 15-16 ناۋرىزدا ۆەنەتسيادا (يتاليا) ءوتىپ جاتقان 118-ءشى پلەنارلىق سەسسياسىنىڭ جۇمىسىنا قاتىستى.

سەسسيا جۇمىسىنا ەۋروپا كەڭە­سىنىڭ، ەۋروپا وداعىنىڭ، ەقىۇ-نىڭ، ۆەنەتسيالىق كوميسسيانىڭ باسشىلىعى، شەتەل پارلامەنتتەرىنىڭ، سوتتار مەن كونستيتۋتسيالىق ادىلەت ورگاندارىنىڭ باسشىلارى مەن مۇشەلەرى قاتىسىپ جاتىر. سەسسيانىڭ نەگىزگى بولىگى جەكەلەگەن مەملەكەتتەردىڭ زاڭنامالىق اكتى­لەرى بويىنشا كوميسسيانىڭ قورى­تىن­دىلارىن قابىلداۋ ماسەلەلەرىنە ارنالعان. 

سەسسيا شەڭبەرىندە قازاقستان كونستيتۋتسيالىق كەڭەسىنىڭ توراعاسى حالىقارالىق زاڭ قوعامداستىعىن 2017 جىلعى كونستيتۋتسيالىق رەفورمانىڭ نەگىزگى باعىتتارىن ىسكە اسىرۋ ءۇشىن قابىلدانعان زاڭنامالىق جانە وزگە دە شارالار تۋرالى حاباردار ەتتى. ۆەنەتسيالىق كوميسسيا مەن بىرقاتار مەملەكەتتەردىڭ كونستيتۋتسيالىق سوت­تارىنىڭ باسشىلارىمەن ەكىجاقتى جۇ­مىس كەزدەسۋلەرى ءوتتى.

قايرات ءمامي ۆەنەتسيا كوميس­سياسىنىڭ پرەزيدەنتى دجانني بۋكيك­كيو­مەن قازاقستان مەن كوميسسيانىڭ قۇقىق ۇستەمدىگى قاعيدالارى سالا­سىن­داعى ىنتىماقتاستىعىن تال­قى­لادى. سونىمەن بىرگە 2020 جىلى ال­جيردە وتەتىن كونستيتۋتسيالىق سوت تورەلىگى جو­نىندەگى دۇنيەجۇزىلىك كون­فە­­رەن­تسيا­نىڭ 5-ءشى كونگرەسىن وتكىزۋگە دا­يىندىق تۋرالى ء سوز بولدى. جاڭا دەموكراتيا ەل­دەرى كونستيتۋتسيا­لىق باقىلاۋ ورگاندارى كونفەرەنتسيا­سىنىڭ توراعاسى رەتىندە قايرات ءمامي ەۋروپالىق ارىپتەستەردى بەلگىلەنگەن كون­گرەسكە قاتى­سۋعا بايلانىستى قاۋىم­داس­تىق­تىڭ قابىلداعان شارالارى تۋرالى حاباردار ەتتى.

كوميسسيا باسشىلىعى جۇرگىزىلىپ جات­قان جۇمىسقا قاناعاتتانۋشىلىعىن ءبىلدىرىپ، قازاقستانمەن ودان ءارى ىن­تىماقتاستىققا دايىن ەكەنىن ايتتى.

«ەگەمەن-اقپارات»

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار