«5 وڭىردە تۇرعىن ۇيلەردى پايدالانۋعا بەرۋ قارقىنى تومەندەگەن. ولار: استانا قالاسى (-35,2%), پاۆلودار (-52,3%), شىعىس قازاقستان (-47%), باتىس قازاقستان (-40,6%) جانە اقمولا (-5,2%) وبلىستارى. استانا جانە الماتى قالالارىندا ۇكىمەتتىڭ جاساعان مەموراندۋمدارى اياسىندا تۇرعىن ءۇيدى پايدالانۋعا بەرۋدىڭ جوسپارلى كورسەتكىشتەرى 1,2 ملن شارشى مەترگە ازايدى. بۇل «نۇرلى جەر» مەملەكەتتىك باعدارلاماسىنىڭ جىل سايىنعى ماقساتتى ينديكاتورىنا قول جەتكىزۋگە اسەر ەتۋى مۇمكىن» دەدى رومان سكليار.
سونداي-اق ول اتالعان وڭىرلەرگە قۇرىلىس قارقىنىن كۇشەيتۋ قاجەت ەكەنىن اتاپ ءوتتى.
«جاپپاي تۇرعىن ءۇي قۇرىلىسى ءجۇرىپ جاتقان اۋداندارعا ينجەنەرلىك جەلىلەردى سالۋ ءۇشىن بيىل 81,7 ملرد تەڭگە ءبولۋ قاراستىرىلىپ وتىر. وڭىرلەردى قارجىلاندىرۋدى باستاپ كەتتىك» دەدى ول.
مينيسترلىكتىڭ اقپاراتىنا سۇيەنسەك, وسى ايدان باستاپ قارجىلاندىرۋ جوسپارى بويىنشا وڭىرلەرگە 4,8 ملرد تەڭگە اۋدارىلعان.
