«Nur Otan» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ جوبا اياسىندا قوعامداعى وزەكتى ماسەلەلەردى دەر كەزىندە ءارى ءتيىمدى شەشۋ ءۇشىن قوعامدىق قابىلداۋ بولمەلەرى «جەدەل ءارى ءبىر جەردە» قاعيداسىمەن جۇمىس ىستەيتىنىن جەتكىزدى. «جوبانى جۇزەگە اسىرۋ ماقساتىندا تەك ءىرى قالالارداعى عانا ەمەس, بارلىق فيليالدارىمىزداعى قوعامدىق قابىلداۋ بولمەلەرىنىڭ الەۋەتىن تولىق پايدالانامىز. ويتكەنى ءبىزدىڭ باستى مىندەتىمىز – حالىقتىڭ ماسەلەسىن ءتيىمدى شەشىپ بەرۋ», دەدى ول.
پارتيالىق جوبانىڭ باستى ماقساتى – ازاماتتاردىڭ وزەكتى ماسەلەلەرىن جەدەل شەشۋ جانە الەۋمەتتىك جوسپاردىڭ وتكىر الەۋمەتتىك پروبلەمالارىنا كومەك كورسەتۋ. م.اشىمباەۆتىڭ ايتۋىنشا, «حالىققا كومەك» پارتيالىق جوباسى ارقىلى قوعامدىق قابىلداۋ بولمەلەرى ەلباسىنىڭ الەۋمەتتىك سالاعا قاتىستى تاپسىرمالارىن ورىنداۋ بارىسىندا مەملەكەتتىك ورگانداردىڭ, ۇكىمەتتىك ەمەس ۇيىمداردىڭ جانە بيزنەس قاۋىمداستىقتىڭ قىزمەتتەرىن ۇيلەستىرۋشى ءرولدى اتقارادى.
«Nur Otan» پارتياسى رەسپۋبليكالىق قوعامدىق قابىلداۋ بولمەسىنىڭ باسشىسى باقىت تەمىروۆا جوبانى ىسكە اسىرۋ تەتىكتەرىنە توقتالدى. بۇل تۇرعىدا ازاماتتار وزدەرىن مازالاعان سۇراقتار مەن ماسەلەلەرىن كەز كەلگەن پارتيا فيليالدارى, ونلاين تۇردە, ياعني پارتيانىڭ www.nurotan.kz
رەسمي سايتى, 109 iKomek ورتالىعى, پارتيانىڭ الەۋمەتتىك جەلىلەردەگى رەسمي پاراقشالارى, پارتيانىڭ 88000804441 Call Center-ءى, 87008004441 نومىرىندەگى WhatsApp جەلىسى ارقىلى ءوتىنىش بەرىپ, كومەك الا الادى.
ب.تەمىروۆانىڭ مالىمدەۋىنشە, اتالعان جوبا تۋرالى سەزدە ءسوز بولعاننان كەيىن 3216 ازامات قوعامدىق قابىلداۋ بولمەلەرىنە ءوتىنىش بەرىپ ۇلگەرگەن. ونىڭ 1075-ءى تۇرعىن ۇيمەن قامتاماسىز ەتۋ, 233-ءى جۇمىسپەن قامتۋ, 86-سى بالالاردى وقىتۋ, 57-ءسى بالالاردى ەمدەۋ جانە 58-ءى مۇگەدەكتەردى وڭالتۋ ماسەلەلەرىمەن حابارلاسقان.
«Nur Otan» پارتياسى استانا قالالىق فيليالى توراعاسىنىڭ ءبىرىنشى ورىنباسارى باقىت ساپاروۆ جوبا اياسىندا حالىقتىڭ ماسەلەلەرىن شەشۋدە الەۋمەتتىك جەلىنى ءتيىمدى پايدالانۋعا شاقىردى. «ازاماتتار كوكەيدەگى ساۋالدارىن, ماسەلەن, ەڭبەكاقى, اليمەنتتىڭ تولەنبەۋىن نەمەسە ءتيىستى كومەك, انىقتامالاردىڭ بەرىلمەي جاتقانىن الەۋمەتتىك جەلىدەگى پاراقشالارىندا جازسا, وتىنىشتەر نەگىزىندە زاڭعا سايكەس ءار ماسەلەنىڭ شەشىمىن تابۋعا تىرىسامىز. بۇل ءبىزدىڭ الەۋمەتتىك جەلىلەردەگى بەلسەندىلىكتىڭ ءبىر باعىتى بولادى», دەدى ول.
ايدانا شوتبايقىزى,
«Egemen Qazaqstan»
