ءوز سوزىندە قازاقستاننىڭ ۆيتسە-پرەمەرى بۇگىندە ورتالىق ازيا ايماعىنىڭ ەلدەرى كورشىلىك جانە ءوزارا مۇددە قاعيداتتارى نەگىزىندە بارلىق باعىتتار بويىنشا ىنتىماقتاستىقتىڭ ەلەۋلى الەۋەتىن كورسەتەتىنىن اتاپ ءوتتى. ايماقتاعى ىنتىماقتاستىقتىڭ جاڭا قارقىنى ءوز جەمىستەرىن بەرىپ جاتىر. تاۋار اينالىمى ايتارلىقتاي ۇلعايتىلدى, جاڭا اۋە, اۆتوكولىك جانە تەمىر جول قاتىناستارى, وتكىزۋ پۋنكتتەرى اشىلىپ, جاڭا ينفراقۇرىلىمدىق جوبالار ىسكە اسىرىلىپ جاتىر.
قازىرگى تاڭدا ەلدەر اراسىنداعى ءوزارا ساۋدا تاۋارلارىنىڭ نومەنكلاتۋراسىن كەڭەيتۋ جۇمىستارى جۇرگىزىلۋدە. قازىر ورتالىق ازيا ايماعىنىڭ نارىعىندا سۇرانىسقا يە 45-كە جۋىق تاۋارلار پوزيتسيالارى انىقتالعان, قازاقستان ونى جەتكىزۋ كولەمىن ۇلعايتۋدى كوزدەپ وتىر.
ايماقتىق ءوزارا ءىس-قيمىلدى جانداندىرۋ ءۇشىن «بەستىك» ەلدەرىن ەكونوميكالىق دامىتۋدىڭ شوعىرلاندىرىلعان تاسىلدەرىن ازىرلەۋ جانە ءىرى ينفراقۇرىلىمدىق جوبالاردى بىرلەسىپ ىسكە اسىرۋ قاجەتتىگى اتالىپ ءوتتى.
«تاۋ-كەن ءوندىرىسى, سۋ جانە اۋىل شارۋاشىلىعى, ماشينا جاساۋ, ەنەرگەتيكا, ازىق-ت ۇلىك ونەركاسىبى, كولىك جانە كوممۋنيكاتسيالار سالالارىندا ينۆەستيتسيالىق ىنتىماقتاستىق ورناتۋعا ۇلكەن مۇمكىندىك بار. ورتالىق ازيا ەلدەرىنىڭ ساۋدا-ينۆەستيتسيالىق ىنتىماقتاستىعىن جاقسارتۋ ءۇشىن ەلدەرىمىزدى بايلانىستىراتىن تەمىر جولداردىڭ الەۋەتىن تۇتاستاي پايدالانۋدى ۇسىنامىز. بارىنشا ءتيىمدى ءارى قارقىندى ىنتىماقتاستىق ءۇشىن تەمىر جول ترانزيتتىك تاسىمالدارىن ۇيىمداستىرۋ كەزىندە بىزگە وڭتايلى تاريفتىك ساياساتتى ۇستانۋ قاجەت. ونىمدەردى تاسىمالداۋ كەزىندە اكىمشىلىك راسىمدەردى جەڭىلدەتۋ ءبىزدىڭ ەلدەرىمىز ءۇشىن جاعىمدى مۋلتيپليكاتيۆتى ناتيجە الۋعا جول اشاتىنىنا سەنىم بىلدىرەمىن», دەدى ج.قاسىمبەك.
ەۋروپا مەن ازيانىڭ قارقىندى دامۋشى ءارى سىيىمدى نارىقتارىن ەسكەرە وتىرىپ, وا ەلدەرىنە كەلىسىلگەن ساياسات ارقىلى تاريحي بايلانىستىرىلعان كولىك كۇرە جولدارىنىڭ الەۋەتىن بارىنشا پايدالانۋ قاجەت. وسىعان وراي, واەف بارىسىندا قازاقستان اۋعانستان, پاكىستان, ءۇندىستاندى قوسا العاندا وڭتۇستىك جانە ورتالىق ازيانىڭ بارلىق ەلدەرىنىڭ وكىلدەرىنىڭ قاتىسۋىمەن «ورتالىق جانە وڭتۇستىك ازيانىڭ كولىك-ترانزيت دالىزدەرىن دامىتۋ جونىندەگى كەڭەس» مەملەكەتارالىق كەڭەسشى جانە ۇيلەستىرۋشى ورگانىن قۇرۋعا باستاما ءبىلدىردى.
قازاقستاننىڭ ورتالىق ازيا ەلدەرى-
مەن ساۋدا اينالىمى 2018 جىلى 18,4% ءوسىم كورسەتىپ, $4,3 ملرد قۇرادى. ونىڭ ىشىندە, وزبەكستانمەن تاۋار اينالىمى 25,3% ۇلعايىپ, $2,5 ملرد قۇرادى; قىرعىزستانمەن – 13,1%-عا ارتىپ, $865,3 ملن قۇرادى; تاجىكستانمەن – 8%-دان استامعا ۇلعايىپ, $845,9 ملن قۇرادى.
ءى ورتالىق ازيا ەكونوميكالىق فورۋمى اياسىندا GM «Uzbekistan» جانە «سارىارقااۆتوونەركاسىپ» جشس ءىرى اۆتووندىرۋشىلەرى اراسىندا ءوندىرىستى دامىتۋ بويىنشا كەلىسىمشارتقا قول قويىلدى.
قول قويۋ راسىمىنە قازاقستان پرەمەر-ءمينيسترىنىڭ ورىنباسارى ج.قاسىمبەك پەن وزبەكستان پرەمەر-ءمينيسترىنىڭ ورىنباسارى ە.گانيەۆ قاتىستى.
كەزدەسۋ بارىسىندا اۆتوموبيل ونەركاسىبى سالاسىنداعى ىنتىماقتاستىق پەرسپەكتيۆالارى, ينۆەستيتسيالىق ىنتىماقتاستىقتى كەڭەيتۋ, ايماقتىق ساۋدا-ساتتىقتى ىنتالاندىرۋ ماسەلەلەرى تالقىلاندى. تاراپتار 2019 جىلدىڭ سوڭىنا دەيىن قازاقستاننىڭ نارىقتارىندا دا, رەسەي فەدەراتسياسىن قوسا العاندا, ەكسپورتتىق نارىقتاردا دا وتكىزۋ ءۇشىن 16 مىڭ تەحنيكا شىعارۋ تۋرالى كەلىسىمگە كەلدى.
اۆتووندىرۋشىلەر سونىمەن قاتار بىرلەسكەن كاسىپورىن قۇرۋ, جەرگىلىكتەندىرۋدى تەرەڭدەتۋ بويىنشا كەزەڭ-كەزەڭمەن جۇمىستاردى قولعا الۋ, ونىڭ ىشىندە اۆتوكومپونەنتتى بازادا, جاڭا باسەكەلى مودەلدەر بويىنشا ىنتىماقتاستىقتى جالعاستىرۋ, وندىرىلەتىن ءونىم ساپاسىن جاقسارتۋ شارالارى تۋرالى ماسەلەلەردى تالقىلادى.
