قازاقستان • 19 ناۋرىز، 2019

بيىل 118 مىڭ جاڭا پاتەر سالۋدى جوسپارلاپ وتىرمىز - رومان سكليار

785 رەتكورسەتىلدى

بۇل تۋرالى يندۋستريا جانە ينفراقۇرىلىمدىق دامۋ ءمينيسترى رومان سكليار ۇكىمەت وتىرىسىندا ايتتى.

«2018 جىلى تۇرعىن ءۇي قۇرىلىسىنا بارلىق قارجى كوزدەرىنەن 1،2 ترلن تەڭگە ينۆەستيتسيا سالىندى. بۇل 2017 جىلدىڭ دەڭگەيىنەن 8،1%-كە جوعارى. مەملەكەتتىڭ 1 تەڭگەسىنە جەكە ينۆەستيتسيانىڭ 6 تەڭگەسى تارتىلدى. 12،5 ملن شارشى مەتر تۇرعىن ءۇي پايدالانۋعا بەرىلىپ، رەكوردتىق كورسەتكىشكە قول جەتكىزىلدى. بۇل 2017 جىلدىڭ دەڭگەيىنەن 12،1%-كە جوعارى. بارلىعى 113،7مىڭ باسپانا سالىندى»، دەدى مينيستر.

سونداي-اق مينيستر تۇرعىن ءۇي قۇرىلىسىنداعى قازاقستاندىق قامتۋدىڭ ۇلەسى 9%-كە ارتقانىن ايتتى.

«بيىل ءبىز 13،1 ملن شارشى مەتر جاڭا تۇرعىن ءۇي سالۋدى جوسپارلاپ وتىرمىز. ول 118 مىڭ پاتەر بولادى. مەملەكەتتىك ينۆەستيتسيالار ەسەبىنەن 1،5 ملن شارشى مەتر تۇرعىن ءۇي پايدالانۋعا بەرىلەدى، بۇل 27 مىڭنان استام باسپاناعا مۇقتاج ادامداردى قامتاماسىز ەتەدى»، دەدى رومان سكليار.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار