ناۋرىز مەيرامىندا قازاق حالقى ءبىر-بىرلەرىنە دەگەن وكپە-رەنىشتى ۇمىتىپ, مەيىرىمدىلىكتىڭ وزىق ۇلگىسىن تانىتقان» دەپ كوركەم ۇنمەن ۇلىس مەرەكەسىن قارسى العان ۇلتتىق كىتاپحانا قىزمەتكەرلەرى ناۋرىز مەيرامىنىڭ قازاقستان حالقى ءۇشىن رۋحاني-مادەني تاربيەلىك ءمانىن ارتتىرىپ, ماڭىزىن دارىپتەپ, وتباسىلىق مەرەكە رەتىندە قالىپتاستىرۋدى ماقسات ەتە وتىرىپ ۇيىمداستىرعان.
بۇل كۇنى قازاقتىڭ ۇلتتىق داستۇرلەرىنە, سونىڭ ىشىندە كورىسۋ, قايىرىمدىلىق جاساۋ, اق داستارحان كۇنى دەپ ەرەكشە مازمۇن بەرە وتىرىپ, باعدارلاما اياسىندا قازاقتىڭ ۇلتتىق تاعامدارى ازىرلەنىپ, قاتىسۋشىلار ءۇشىن ءدام تارتىلادى. كىتاپحانا ۇجىمى ۇلتتىق سالت-داستۇرلەردى جاڭعىرتۋ ءۇشىن,قىسقاشا مازمۇندى كورىنىستەر قويىپ, قازاقتىڭ ۇلتتىق اسپاپتارىندا ونەر كورسەتتى.
ناۋرىز مەيرامىن جاڭا ۇلگىدە اتاپ ءوتۋدى قۇپتاعان ۇجىم ناۋرىز مەرەكەسى اياسىندا الەۋمەتتىك جاعدايى تومەن جانە كوپ بالالى وتباسىلارعا ارنالعان قايىرىمدىلىق شاراسىن وتكىزدى. بالالارعا ناۋرىز بەلگىلەرىن ايشىقتايتىن بازارلىق-سىي تاراتىلدى.
ەلۆيرا سەرىكقىزى,
«ەگەمەن قازاقستان»
الماتى
