ولارمەن كەزدەسۋدە وبلىس اكىمى ارحيمەد مۇحامبەتوۆ وبلىستىڭ سىرتقى ەكونميكالىق بايلانىسىن قىسقاشا بايانداپ بەردى. قوستاناي بۇگىندە الەمنىڭ 90 ەلىمەن ەكونوميكالىق بايلانىس جاسايدى. سونىڭ ىشىندە وندىرگەن ءونىمىن نەگىزىنەن رەسەيگە, قىتايعا, يرانعا, اۋعانستانعا, وزبەكستانعا جانە تاعى باسقا ەلدەرگە ارتادى. وبلىستىڭ سىرتقى تاۋار اينالىمى 2 ملرد.867 ملن دوللاردى قۇرايدى. ال سونىڭ ىشىندە فرانتسيامەن اراداعى ساۋدا كولەمى 2 ملن دوللاردان اسادى.
ء«بىز فرانتسيا ينۆەستورلارىنىڭ قانداي ۇسىنىسىن دا قاراۋعا دايارمىز. وزىمىزدەگى يندۋستريالىق ايماققا ورنالاسۋ قىزىقتىرسا, ونى دا, وبلىستىڭ باسقا وڭىرىنە قارجى سالعىسى كەلسە, ونى دا قولدايمىز» دەدى ارحيمەد بەگەجان ۇلى.
ءوز كەزەگىندە فرانتسۋز ەلشىسى فيليپپ مارتينە قوستانايدا فرانتسۋز ورتالىعىنىڭ بىرنەشە جىلدان بەرى جۇمىس ىستەيتىنىن, سونىڭ ارقاسىندا ەكى ەل اراسىنداعى ءبىلىم جانە مادەني بايلانىستاردىڭ دامىپ وتىرعانىن ايتتى. دەگەنمەن ەلشىنىڭ بۇل جولعى ساپارداعى ۇسىنىسى ەكونوميكاعا قاتىستى بولدى. 2005 جىلى رەسەيدىڭ ليپەتسك قالاسىندا ىرگەتاسىن قالاعان «وترادا» كومپانياسى قوستانايدا شوشقا شارۋاشىلىعىن دامىتقىسى كەلەتىن ۇسىنىسىن ايتتى. جوبانىڭ حالىقارالىق سيپاتى بولادى, ونىڭ اكتسيونەرلەرى فرانتسۋزدار مەن رەسەي بولىپ تابىلادى, بۇل ىستە دانيا, وزبەكستان, ۋكراينا ارىپتەستەرى سانالادى ەكەن. وسى جوباسى ءۇشىن فرانتسۋزداردىڭ تاڭداۋى قازاقستاننىڭ استىقتى ءوڭىرى قوستانايعا تۇسكەن سىڭايلى. جوبانىڭ ىسكە اسۋى قالاي بولاتىنىن ۋاقىت كورسەتەدى. ازىرشە دەلەگاتسيا وبلىس ءوڭىرىن ارالاپ ءجۇر.
ءنازيرا جارىمبەت,
«ەگەمەن قازاقستان»
قوستاناي
