جيىندا العاشقى بولىپ بايانداما جاساعان تۇركىستان قالاسىنىڭ اكىمى الىپبەك وسەرباەۆ تۇركىستان قالاسى اۋماعىندا جاڭادان 10 گۇلزار سالىناتىنىن جەتكىزدى. سونداي-اق, شاھاردى كوگالداندىرۋ ماقساتىندا 30 مىڭعا جۋىق ءتۇپ اعاش كوشەتتەرى وتىرعىزىلعان.
كوكتەمگى دالا جۇمىستارى بويىنشا مالىمدەگەن وبلىستىق اۋىل شارۋاشىلىعى باسقارماسىنىڭ باسشىسى نۇربەك بادىراقوۆ اعىمداعى جىلى اۋىل شارۋاشىلىعى داقىلدارىن 823,3 مىڭ گەكتارعا, ياعني وتكەن جىلدان 9,8 مىڭ گەكتارعا ارتىق ورنالاستىرۋ جوسپارلانىپ وتىرعاندىعىن جەتكىزدى.
«كۇزدىك ەگىس 164,5 مىڭ گەكتارعا ەگىلدى. جەر ايداۋ جۇمىستارى 510,8 مىڭ گەكتارعا جوسپارلانىپ, 501,2 مىڭ گەكتار جەر ايدالدى. جەر ايداۋ جۇمىستارى ءالى دە جالعاسۋدا. بۇگىنگى كۇنگە 67,2 مىڭ گەكتار جازدىق داقىلدار ەگىلدى. كوكتەمگى دالا جۇمىستارىن جۇرگىزۋگە تونناسى 193 مىڭ تەڭگەدەن 38 مىڭ توننا جانار جاعارماي ءبولىنىپ, وپەراتورلار انىقتالدى. اگروقۇرىلىمدارعا جەتكىزىپ بەرۋدى قوسا العاندا ليترىنە 165-167 تەڭگەدەن بوساتىلۋدا. بۇل نارىقتىق باعادان 22-24 تەڭگەگە ارزان», - دەدى باسقارما باسشىسى.
اۋىل شارۋاشىلعىنا بايلانىستى وبلىس اكىمى جەردى يگەرۋ بويىنشا اۋدانداعى جۇمىستاردى سىنعا الدى. اسىرەسە, ارىس, بايدىبەك, سارىاعاش اۋداندارىندا جەر يگەرۋ تومەن دەڭگەيدە ەكەنىن اتاپ ءوتىپ, اۋدان باسشىلارى اتالعان سالاداعى جۇمىستى رەتتەمەسە قاتاڭ شارا كورىلەتىندىگىن ايتتى. سونداي-اق, سۋبسيديالاردى ۋاقىتىلى الۋ اكىمدەردىڭ تىكەلەي جاۋاپكەرشىلىگى ەكەنىن ەسكەرتتى.
سونىمەن قاتار, جيىندا وڭىردەگى از قامتاماسىز ەتىلگەن جانە كوپبالالى انالاردى الەۋمەتتىك قامتاماسىز ەتۋ بويىنشا بايانداما جاساعان وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى مۇحيت وتارشيەۆ وبلىستا جاڭا فورماتتاعى اتاۋلى الەۋمەتتىك كومەك تاعايىنداۋ جۇمىستارى جوعارى دەڭگەيدە ۇيىمداستىرىلىپ جاتقاندىعىن جەتكىزدى.
«وبلىستا جالپى 86,6 مىڭ كوپبالالى وتباسى بار. بۇل رەسپۋبليكالىق كورسەتكىشتىن 25 پايىزىن قۇرايدى. ولاردىڭ ىشىندە 16,5 مىڭ وتباسى از قامتىلعان قاتارىندا. رەسپۋبليكادا 571,6 مىڭ ادام اتاۋلى الەۋمەتتىك كومەك السا, ونىڭ 34,2 پايىزى تۇركىستان وبلىسىنىڭ تۇرعىندارى. ەلىمىز بويىنشا اتاۋلى الەۋمەتتىك كومەككە 28 ملرد.تەڭگە تاعايىندالعان, ونىڭ 15,7 ملرد تەڭگەسى (56%) وبلىستىڭ ۇلەسىندە. سونداي-اق, وڭىردە وتكەن جىلى 29 627 ادام جۇمىسپەن قامتۋ شارالارىنا تارتىلىپ, تۇراقتى جۇمىسپەن 26 508 ادام قامتىلدى. بۇل رەسپۋبليكا دەڭگەيىندە ەڭ جوعارعى كورسەتكىش» , - دەدى مۇحيت وتارشيەۆ.
وبلىستا اتاۋلى الەۋمەتتىك كومەكتى ءتيىمدى پايدالانۋ ءۇشىن شارتتى اقشالاي كومەكتىڭ بىرجولعى تولەمىنە باسىمدىق بەرىلۋدە. باسقارما باسشىسىنىڭ ايتۋىنشا, وڭىردە ازىرلەنگەن 15 كىشى بيزنەس جوبانىڭ ىسكە اسىرۋ ناتيجەسىندە 26 459 وتباسى ءىرى جانە ۋاق مال شارۋاشىلىعىمەن, 4243 وتباسى قىزمەت كورسەتۋ سالاسىندا كاسىبىن دامىتۋدا.
ەلباسىنىڭ تاپسىرماسىنا سايكەس, اتاۋلى الەۋمەتتىك كومەك الۋشى وتباسىلاردىڭ بالالارىنا اي سايىن 20 789 تەڭگە كەپىلدەندىرىلگەن كومەك تولەۋ بويىنشا سۇراتىلاتىن قۇجاتتاردى وڭتايلاندىرۋ ارقىلى اتاۋلى الەۋمەتتىك كومەك تاعايىنداۋ ءراسىمى جەڭىلدەتىلگەن. بۇل ءۇشىن ە-حالىق اقپارات جۇيەسى اۋدان, قالالاردىڭ وكرۋگتەرىندە ەنگىزىلۋدە.
جيىندى قورىتقان وبلىس اكىمى الەۋمەتتىك كومەك ءراسىمىن وڭتايلاندىرۋعا باعىتتالعان ە-حالىق اقپارات جۇيەسىن ەنگىزۋ بويىنشا مەرزىمىنەن كەشىگىپ جاتقان اۋدان, قالا باسشىلارىنا جەدەلدەتۋ قاجەتتىگىن تاپسىردى. سونداي-اق, وبلىستاعى از قامتاماسىز ەتىلگەن جانە كوپبالالى وتباسىلارعا الەۋمەتتىك كومەكتى ۇلەستىرۋ جۇمىستارى زاڭدى, ء ارى ادىلەتتى بولۋ قاجەتتىگىن جۇكتەدى.
