«ايباتىر نىشانباي ۇلى قارجىلىق قۇرىلىمداردا مول تاجىريبە جيناقتاعان بىلىكتى مامان. ۇلتتىق ەكونوميكا مينيسترلىگىندە ەلىمىز ءۇشىن ماڭىزى بار جوبالارعا جەتەكشىلىك ەتتى. بۇل تاجىريبەنىڭ مەديتسينالىق ساقتاندىرۋ قورىندا پايداعا اسارى داۋسىز. قور كەپىلدەندىرىلگەن تەگىن مەديتسينالىق كومەك جانە مىندەتتى الەۋمەتتىك مەديتسينالىق ساقتاندىرۋ پاكەتتەرى شەڭبەرىندە كورسەتىلەتىن قىزمەتتەردى ستراتەگيالىق ساتىپ الۋشى ستاتۋسىنا يە. جۇمىستىڭ اشىق, جۇيەلى تۇردە جۇرگىزىلۋىن قامتاماسىز ەتۋ قاجەت. مسق قارجىلىق ينستيتۋت رەتىندە قانشالىقتى ءتيىمدى جۇمىس ىستەسە, رەفورمانىڭ ىسكە اسىرىلۋى دا تابىستى بولماق. بۇل ۇلكەن جاۋاپكەرشىلىك جۇكتەيتىن قىزمەت. جاڭا باسشىنىڭ بۇل مىندەتتەردى ابىرويمەن اتقاراتىنىنا سەنىمىم مول», دەدى دەنساۋلىق ساقتاۋ ءمينيسترى ەلجان ءبىرتانوۆ.
ا.جۇماعۇلوۆ ءار جىلدارى قر يندۋستريا جانە تەحنولوگيالار مينيسترلىگىندە, «بايتەرەك» ۇلتتىق باسقارۋ حولدينگى» اق-دا ەڭبەك ەتتى. «Baur Kazakhstan» كومپانيالار توبىنىڭ ديرەكتورلار كەڭەسىنىڭ مۇشەسى, «تۇرعىنۇيقۇرىلىسجيناقبانكى» اق باسقارما توراعاسى بولدى. 2017 جىلدىڭ قاڭتارىنان باستاپ ۇلتتىق ەكونوميكا ۆيتسە-ءمينيسترى قىزمەتىن اتقاردى.
