اۋىل شارۋاشىلىعى وندىرۋشىلەرى ۆتب-دا «اگروبيزنەس» باعدارلاماسى اياسىندا جىلدىق 6,8% سىياقى مولشەرلەمەسىمەن جەڭىلدەتىلگەن كرەديت رەسىمدەي الادى. «اگروبيزنەس» باعدارلاماسىنىڭ شارتتارىمەن اۋىل شارۋاشىلىعىنىڭ باسىم باعىتتارى بەلگىلەنگەن. ولاردىڭ ىشىندە: ءسۇت ءوندىرىسى, قۇس شارۋاشىلىعى جانە شوشقا شارۋاشىلىعى, وسىمدىك شارۋاشىلىعى (كوكونىستەر مەن جەمىستەر), سونداي-اق ەت, بالىق جانە قايتا وڭدەۋ بويىنشا جوبالار بار. اتالعان باعىتتار بويىنشا كاسىپكەرلەر نەگىزگى قۇرالداردى ساتىپ الۋ ءۇشىن, ونىڭ ىشىندە وبەكتىلەردى جاڭعىرتۋعا, سونداي-اق قۇرىلىس-مونتاج جۇمىستارىنا جانە اينالىم قاراجاتىن تولىقتىرۋعا قارجى الۋلارىنا بولادى.
بيىل «اۋىل شارۋاشىلىعىن قارجىلاي قولداۋ قورى» شاعىن نەسيەگە شامامەن 27 ملرد تەڭگە بولەدى. بىلتىر قور بۇل ماقساتقا 19 ملرد تەڭگەدەن استام قاراجات جۇمساعان بولاتىن. ەندى ەلباسىنىڭ شاعىن نەسيەنى ارتتىرۋعا باعىتتالعان باستاماسىنان كەيىن بولىنەتىن قارجىنىڭ كولەمى ۇلعايدى. جىلدىق ۇستەماقىسى 6 پايىز بولاتىن جەڭىلدەتىلگەن نەسيە ءوز ءىسىن ەندى باستايمىن دەپ وتىرعان كاسىپكەرلەرگە دە بەرىلەدى. نەسيەنىڭ شەكتى مولشەرى بيىل 19 ملن تەڭگەدەن اسادى.
وسىنداي قولداۋدىڭ ارقاسىندا بىلتىر 2 مىڭ 300-دەن استام جاڭا جۇمىس ورنى قۇرىلعان بولاتىن.
گۇلبارشىن ساباەۆا,
«ەqemen Qazaqstan»
الماتى
