سايتتىڭ مالىمەتىنشە, پولتورانيننەن بولەك, ەستونيالىق شاڭعىشىلار اندرۋس ۆەەرپالۋ مەن كارەل تامميارۆ جانە ەكى اۋستريالىق سپورتشى ماكس حاۋكە پەن دومينيك بالدلاۋف ۇستالعان. بۇل شاڭعىشىلار كەشە الەم چەمپيوناتى اياسىنداعى 15 شاقىرىمدىق كلاسسيكالىق ءجۇرىس بويىنشا جارىس الاڭىنا شىعۋ كەرەك بولاتىن. الايدا بۇل سپورتشىلاردىڭ بىردە-ءبىرى كەشەگى جارىس جولىنا شىققان جوق.
بۇل اقپاراتتى ءسال كەيىنىرەك حالىقارالىق شاڭعى فەدەراتسياسى (FIS) دا راستادى. «سپورتشىلاردى ۇزاق ۋاقىتقا سوزىلعان تەكسەرۋ وپەراتسياسىنان كەيىن ۇستادىق. FIS ۇنەمى اۋستريالىق ءتارتىپ ساقشىلارىمەن بىرلەسىپ جۇمىس ىستەيدى. انتيدوپينگ تەكسەرۋىن بۇدان ءارى جالعاستىرا بەرەمىز», دەپ جازادى FIS-ءتىڭ رەسمي سايتى.
ال Sport24.ru سايتىنىڭ مالىمەتىنشە, سپورتشىلاردى الداعى ەكى كۇن بويى تەكسەرمەك. ەگەر ولاردىڭ دوپينگ قولدانعاندارى راستالسە, اۋستريا زاڭىمەن 3 جىلدان 10 جىلعا دەيىن باس بوستاندىعىنان ايرىلۋى مۇمكىن. ويتكەنى, اۋستريا باسقا ەلدەرگە قاراعاندا, دوپينگ قولدانعان سپورتشىلاردىڭ ۇستىنەن قىلمىستىق ءىس قوزعايدى.
