كەزدەسۋ بارىسىندا تاراپتار قالا ينفراقۇرىلىمىن مودەرنيزتسيالاۋ مەن مەگاپوليسكە حالىقارالىق نەسيەلىك رەيتينگ بەرۋ جونىندە حالىقارالىق IFC قارجى كورپوراتسياسىنىڭ كەڭەسشى قىزمەتىن كورسەتۋى تۋرالى كەلىسىمگە قول قويدى.
مەگاپوليس باسىشىسى IFC قارجى كورپوراتسياسىنىڭ مەملەكەتتىك-جەكەشەلىك ارىپتەستىك قاعيدا جانە قالانىڭ ينۆەستيتسيالىق كورسەتكىشتەرى بويىنشا ناقتىلى كورىنىس جاساۋدا ۇلكەن حالىقارالىق تاجىريبەگە يە ەكەنىن اتاپ ءوتتى.
«الماتىدا ۇزاق مەرزىمدى شەتەلدىك ينۆەستيتسيانى قاجەت ەتەتىن ءىرى ينفراقۇرىلىمدىق جوبالار قولعا الىنۋدا. مىسالى, سولاردىڭ ءبىرى LRT قۇرىلىسى, ياعني زاماناۋي ترامۆايدى جۇرگىزۋ. ءمجا جوبالارىندا IFC ساراپتاماسى جوبانىڭ ينۆەستيتسيلىق تارتىمدىلىعىن ارتتىرۋ قاجەتتىگىن كورسەتتى», - دەدى باۋىرجان بايبەك.
ءوز كەزەگىندە دجوردجينا بەيكەر ىنتىماقتاستىق كەلىسىمىنە قول قويۋ ۇزاق مەرزىمدى ستراتەگيالىق سەرىكتەستىكتىڭ باسى بولىپ تابىلاتىنىن ءارى الماتىنىڭ ورتا ازيايداعى جەتەكشى مەگاپوليس ەكەنىنە تىڭ سەرپىن بەرەتىنىن ايتتى.
بۇكىلالەمدىك بانك توبىنا ەنەتىن IFC جەكە سەكتوردى قولدايتىن ءىرى جاھاندىق دامۋ ينستيتۋتى بولىپ تابىلادى. قازاقستانداعى IFC ستراتەگياسى ينفراقۇرىلىمدى جاقسارتۋعا, ديۆەرسيفيكاتسيا مەن ەكونوميكانىڭ باسەكەلەستىگىن قولداۋعا, قارجى سەكتورىن جانە شوب دامىتۋعا باعىتتالعان. بۇلاردان وزگە IFC مەلەكەتتىك ورگاندارعا, كورپوراتسيالارعا ءمجا مەحانيزمىنىڭ پارمەندىلىگىن كۇشەيتۋگە قاتىستى كونسۋلتاتسيالىق قىزمەت كورسەتەدى.
