وتىرىستى اشا وتىرىپ, استانا اكىمى دەنساۋلىق ساقتاۋدى دامىتۋعا باعىتتالعان «دەنساۋلىق» مەملەكەتتىك باعدارلاماسىن جۇزەگە اسىرۋدىڭ ءۇشىنشى جىلى اياقتالعانىن ەسكە سالدى. ء«بىز استانالىقتاردىڭ ءومىر ءسۇرۋ ۇزاقتىعىن 76,2 جاسقا دەيىن ارتتىردىق. بۇل ەل بويىنشا ورتاشا كورسەتكىشتەن 3,2 جىلعا جوعارى. بۇل كورسەتكىشكە ءبىز بالا تۋ كورسەتكىشىنىڭ ارتۋى مەن جالپى ءولىم-ءجىتىمنىڭ تومەندەۋى ارقاسىندا قول جەتكىزدىك» دەپ اتاپ ءوتتى ب. سۇلتانوۆ. ول ەلوردانىڭ دەنساۋلىق ساقتاۋ قىزمەتىنىڭ مەملەكەت باسشىسى قويعان مىندەتتەرگە سايكەس, ءولىم مەن مۇگەدەكتىكتىڭ, سونداي-اق انا مەن بالا ءولىمىنىڭ, قان اينالىمى جۇيەسى اۋرۋلارىنىڭ, ونكولوگيالىق اۋرۋلاردىڭ, تۋبەركۋلەز مەن جاراقاتتانۋدىڭ نەگىزگى سەبەپتەرىنىڭ الدىن الۋعا باعىتتالعاندىعىن ايتتى.
اكىم سونداي-اق, جەتىستىكتەرمەن قاتار, دەنساۋلىق ساقتاۋ سالاسىنىڭ بىرقاتار جۇيەلى ماسەلەسى بار ەكەنىنە نازار اۋداردى. ءوز كەزەگىندە, قالالىق قوعامدىق دەنساۋلىق ساقتاۋ باسقارماسىنىڭ باسشىسى قامالجان نادىروۆ «دەنساۋلىق» مەملەكەتتىك باعدارلاماسىنىڭ جۇزەگە اسىرىلۋ بارىسى تۋرالى ايتىپ, وتكەن جىلعى ۆەدومستۆونىڭ جۇمىسىن قورىتىندىلادى, سونداي-اق 2019 جىلعا ارنالعان مىندەتتەردى بەلگىلەدى. «وتكەن جىلى قالالىق اۋرۋحانالاردا 200 مىڭنان استام ادام ەمدەلدى, 57 مىڭعا جۋىق وتا جاسالدى, ەلوردادا 28 مىڭنان استام بالا دۇنيەگە كەلدى, 600 مىڭنان استام شاقىرىمعا جەدەل جاردەم كورسەتىلدى, قالا ەمحانالارىنا تۇرعىندار 4,5 ملن رەت قارالعان. ءجۇز مىڭنان استام ناۋقاس تەگىن ءدارى-دارمەكپەن قامتاماسىز ەتىلدى» دەدى ق. نادىروۆ.
ول حالىقپەن كەرى بايلانىستى ورناتۋ ءۇشىن بىرىڭعاي بايلانىس ورتالىعى – 109 جۇمىس ىستەيدىگىن, استانالىق مەديتسيناعا قاتىستى بارلىق ماسەلەلەردى قابىلدايتىنىن ەسكە سالدى. «ەمحانالاردى دامىتۋ تۇجىرىمداماسى ازىرلەندى, وندا حالىققا امبۋلاتوريالىق كومەكتى جاقىنداتۋ قاراستىرىلعان, ياعني وتباسىلىق دارىگەرلىك امبۋلاتوريالاردىڭ 20 مينۋتتىق قادامدىق قولجەتىمدىلىگىنە قول جەتكىزىلەدى», – دەپ جالعاستىردى ۆەدومستۆو باسشىسى. قامالجان نادىروۆ سونداي-اق, باسقارمانىڭ اعىمداعى جىلعا ارنالعان جوسپارلارى تۋرالى ايتىپ بەردى: كورسەتىلەتىن مەديتسينالىق قىزمەتتەردىڭ ساپاسى مەن قولجەتىمدىلىگىن ارتتىرۋعا باسا نازار اۋدارا وتىرىپ, حالىقتىڭ دەنساۋلىعىن ودان ءارى جاقسارتۋ بويىنشا جۇمىستار جالعاستىرىلاتىن بولادى.
