ايماقتار • 22 اقپان، 2019

الماتى قالاسىنىڭ ەنەرگوقاۋىپسىزدىگىن نىعايتقان جوبا اياقتالدى

288 رەتكورسەتىلدى

الماتىدا توتەنشە جاعدايلار تۋىنداتاتىن جانە ەلەكتر ەنەرگياسىنىڭ اپاتتىق جاعدايدا سوندىرىلۋىنە اكەلىپ سوقتىراتىن قاۋىپ-قاتەر تولىعىمەن جويىلدى. «سامۇرىق-ەنەرگو» ەلەكتر ەنەرگياسى حولدينگىنىڭ الماتى ەنەرگيا كەشەنىنە قاراستى «الاتاۋ جارىق كومپانياسى» اق جۇكتەمەنى «گورنىي گيگانت» ستانتسياسىنان قايتا جاڭارتىلعان «ەرمەنساي» قوسالقى ستانتسياسىنا اۋىستىرۋ جوباسىن اياقتادى.

اتاپ وتكەن ءجون، قالانىڭ جوعارعى بولىگىندە، تاۋ بوكتەرىندە ورنالاسقان «گورنىي گيگانت» قوسالقى ستانتسياسى ارقىلى الماتى قالاسىنىڭ بوستاندىق، مەدەۋ اۋداندارىنداعى، اۋەزوۆ جانە تالعار اۋداندارىنىڭ ءبىر بولىگىندەگى تۇرعىن ۇيلەر مەن ونەركاسىپ نىساندارى ەلەكتر قۋاتىمەن قامتاماسىز ەتىلدى. بۇل قالاداعى توزىعى جەتكەن ەلەكتر قوندىرعىلارىنىڭ ءبىرى سانالادى. سونىمەن قاتار ترانسفورماتورلارعا تۇسەتىن جۇكتەمە وتە جوعارى دەڭگەيدە بولعاندىقتان، جاڭا تۇتىنۋشىلاردى قوسۋ مۇمكىندىگى جوق ەدى. 2016 جىلى «سامۇرىق-ەنەرگو» اق-نىڭ باسقارماسى جانە ينۆەستيتسيالىق-يننوۆاتسيالىق كەڭەسى ەلەكتر قۋاتىنىڭ بەرىكتىگىن قامتاماسىز ەتۋ جانە توتەنشە جاعدايلاردىڭ الدىن الۋ ماقساتىندا جوبانىڭ ينۆەستيتسيالىق كەزەڭىن ىسكە اسىرۋدى ماقۇلدادى. قۇرىلىستىڭ جالپى قۇنى 6،7 ملرد تەڭگەنى قۇرادى.

جوبا اياسىندا «ەرمەنساي» شاعىن ستانتسياسىنان 40 شاقىرىمعا جۋىق كابەل جەلىلەرى ورناتىلدى جانە ىسكە قوسىلدى. «گورنىي گيگانت» قوسالقى ستانتسياسىنىڭ تۇتىنۋشىلارىن «ەرمەنساي» شاعىن ستانتسياسىنا قوسۋ ءۇشىن ۇزىندىعى 11 شاقىرىمنان اساتىن ەكى اۋە جەلىسى قايتا قۇراستىرىلدى، ەلەكتر ەنەرگياسىن قابىلداۋعا، بولۋگە جانە تاراتۋعا ارنالعان جوعارى ۆولتتىك قوندىرعى كەڭەيتىلدى جانە قايتا جاڭارتىلدى. سونىمەن بىرگە ەنەرگيانى ەسەپتەۋ جۇيەلەرى، اپاتتارعا قارسى اۆتوماتتاندىرىلعان قۇرىلعىلار جانە رەلە قورعانىسى قوندىرعىلارى قوسىمشا ورناتىلدى.

جۇرگىزىلگەن جۇمىستار ناتيجەسىندە، بۇعان دەيىن 220/110/10كۆ «گورنىي گيگانت» قوسالقى ستانتسياسىنا قوسىلعان تۇتىنۋشىلار، ونىڭ ىشىندە «سامال»، «قازاقفيلم»، «باعاناشىل»، «تاۋگۇل» شاعىن اۋداندارىنىڭ تۇرعىندارىن جانە ت.ب. قوسا العاندا، 220/110/10 كۆ «ەرمەنساي» جاڭا قوسالقى ستانتسياسىنا اۋىستىرىلدى.

«الاتاۋ جارىق كومپانياسى» اق-نىڭ باسقارما توراعاسى مۇحيت ۇمبەتوۆ اتاپ وتكەندەي، جوبانىڭ ءساتتى اياقتالۋى ىقتيمال اپاتتاردىڭ الدىن-الدى. سونىمەن بىرگە وڭتۇستىك استانانى ەلەكتر قۋاتىمەن قامتاماسىز ەتۋدىڭ سەنىمدىلىگىن ارتتىرىپ قانا قويماي، جاڭا تۇتىنۋشىلاردىڭ قوسىلۋىنا كەدەرگى كەلتىرگەن ماسەلەنى شەشۋگە جانە تاراتىلاتىن ەلەكتر قۋاتىنىڭ كولەمىن ۇلعايتۋعا مۇمكىندىك بەردى. كومپانيا باسشىسىنىڭ سوزىنشە، جۇكتەمەنى اۋىستىرۋ جۇمىستارى اياقتالعان سوڭ، «گورنىي گيگانت» قوسالقى ستانتسياسىنىڭ الاڭىندا ونى بولشەكتەۋ پروتسەسى باستالدى.

بۇگىنگى تاڭدا «الاتاۋ جارىق كومپانياسى» اق 2016-2020 جىلدارعا ارنالعان ينۆەستيتسيالىق باعدارلاماداعى جوبالاردى ىسكە اسىرۋدى جوسپارلاپ وتىر. سونىڭ ىشىندە 220/110/10 كۆ №7 «احبك" قوسالقى ستانتسياسىن قايتا قۇرۋ، 110/10 كۆ "كوكوزەك" قوسالقى ستانتسياسىنىڭ قۇرىلىسىن باستاۋ، الماتى قالاسىنىڭ تۇركسىب، اۋەزوۆ، بوستاندىق، جەتىسۋ، الاتاۋ اۋداندارىنداعى جەلىلەردى قايدا جوندەۋ قاراستىرىلعان.  

اتاپ وتكەن ءجون، 2018 جىلعى ماۋسىمدا الماتى قالاسىندا «تۇركسىب» (بۇگىندە – «جاس قانات») قوسالقى ستانتسياسى ىسكە قوسىلعان بولاتىن. بۇل نىساندى ىسكە قوسۋ ارقىلى «سامۇرىق-ەنەرگو» اق 2008 جىلى باستالعان الماتى قالاسىن ەنەرگەتيكالىق قايتا جاراقتاندىرۋ باعدارلاماسىن اياقتادى. جاڭا قوسالقى ستانتسيا ترانسفورماتورلىق قۋاتتىلىقتى 30 مۆا ارتتىرىپ، تۇركسىب اۋدانىنىڭ ورتالىق بولىگى مەن «جاس قانات» شاعىن اۋدانىن ەلەكتر قۋاتىمەن قامتاماسىز ەتتى.

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار