ەندى جەتىسۋ جۇرتى «قازاقستاننىڭ 100 جاڭا ەسىمى» جوباسىنىڭ جەڭىمپازى بولعان جەرلەستەرىنە قۇرمەت كورسەتۋدى باستادى. كەشە تالدىقورعان قالاسىنداعى دوستىق ۇيىندە اقىنمەن كەزدەسۋ ءوتتى. كەزدەسۋدى قازاقستان حالقى اسسامبلەياسىنىڭ الماتى وبلىستىق اتقارۋشى حاتشىلىعى ۇيىمداستاردى. ەركىن اڭگىمە, اسەم ءان, كوركەم جىر كەشىنە ۇلاسقان كەزدەسۋدە قالاداعى وقۋ ورىندارىنىڭ ستۋدەتتەرى, ءوڭىردى مەكەندەيتىن دياسپورالاردىڭ وكىلدەرى مەن جەتىسۋلىق اقىن-جازۋشىلار ماقپال مىساعا ساۋال قويىپ, شىعارماشىلىعىنا قانىق بولدى.
- «قازاقستاننىڭ 100 جاڭا ەسىمى» جوباسىندا ءبىزدىڭ وبلىس وسىمەن ەكىنشى رەت توپ جاردى. بىلتىر جاس كاسىپكەر, اياۋلى تاعدىر يەسى ەربول بايالىشباەۆ باۋىرىمىز جەڭىمپاز بولعان. بيىل اقىن ماقپال مىسا ۇزدىك شىقتى. بۇل ەلىمىزدىڭ جارقىن ويلى جاستارى اراسىندا جەتىسۋلىقتاردىڭ دا ۇلەسى جوعارى ەكەنىن ايعاقتايدى, - دەيدى قازاقستان حالقى اسسامبلەياسىنىڭ الماتى وبلىستىق اتقارۋشى حاتشىلىعىنىڭ مەڭگەرۋشىسى عابيت تۇرسىنباي.
قالماحانبەت مۇقامەتقالي,
«Egemen Qazaqstan»
الماتى وبلىسى
