ول روبوتوتەحنيكا, بيوتەحنولوگيا, مەحاترونيكا جانە 3D تۇپتۇرلىلىك ورتالىقتارىڭ ارالادى. «Digital URPAQ» سارايى – ەلباسىنىڭ سولتۇستىكقازاقستاندىق بالالارعا جاساعان باعا جەتپەس سىيى. قازىرگى ۋاقىتتا مۇندا روبوتوتەحنيكا, كوركەمونەر, مادەنيەت, ناقتى عىلىمداردى قامتىعان 87 ۇيىرمە بار. ۇكىمەت باسشىسىنىڭ ورىنباسارى زاماناۋي بيوتەحنولوگيالىق زەرتحانادا ءتۇرلى زەرتتەۋلەرمەن اينالىساتىن وقۋشىلارمەن جاقىنىراق تانىستى.
«مىنا ميكروسكوپتار ەڭ وزىق زاماناۋي قۇرىلعى بولىپ تابىلادى. وسىنىڭ ارقاسىندا وقۋشىلار ءتۇرلى ءارى قىزىقتى زەرتتەۋ جۇمىستارىن جۇرگىزەدى.ناتيجەسىندە ولار حيميا جانە بيولوگيا عىلىمدارىن تەرەڭىرەك بىلەدى», دەدى وبلىس اكىمى قۇمار اقساقالوۆ زەرتحانا جايلى جان-جاقتى تۇسىنىكتەمە بەرىپ.
وقۋشىلار قۇبىردان الىنعان جانە لاس سۋدىڭ ايىرماشىلىقتارىن تالداۋ, مولەكۋليارلى بيولوگيا, مەديتسينا جانە اگروونەركاسىپ سالاسىنىڭ قىر-سىرىن ۇيرەنىپ ءجۇر. سونىمەن قاتار ولار ونىمدىلىكتى ارتتىرۋ بويىنشا تەحنولوگيالاردى دا زەرتتەيدى.
وقۋشىلار سارايىنىڭ ءبىرىنشى قاباتىندا بالالار ۆاكۋمدى كينوتەاتر مەن تەرراريۋم ويىن-ساۋىق كابينەتتەرىندە جاتتىعادى. ەكىنشى قاباتتا ورنالاسقان كوۆوركينگ ورتالىعىندا ستارتاپ جوبالارىن ىسكە اسىرادى. نىساننىڭ باسقا بولىكتەرىندە IT ورتالىقتار, حيميا, بيولوگيا, فيزيكا كابينەتتەرى ورنالاسقان. ۇيىرمەەرگە ءبىر مەزگىلدە 1800 بالا قاتىسا الادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
