ايماقتار • 22 اقپان، 2019

كاسىپوداق فەدەراتسياسى كوپبالالى انالاردى قولداۋ تەتىكتەرىن ۇسىنۋدا

303 رەتكورسەتىلدى

بۇگىن وبلىس اكىمدىگىنىڭ ءماجىلىس زالىندا ءوڭىر باسشىسى التاي كولگىنوۆ پەن قر كاسىپوداقتار فەدەراتسياسىنىڭ توراعاسى باقىتجان ءابدىرايىمنىڭ قاتىسۋىمەن جيىن ءوتتى.

ءوڭىر باسشىسى كاسىپوداق ۇيىمىنىڭ وبلىسىمىزدىڭ الەۋمەتتىك احۋالىن تۇراقتاندىرۋدا ماڭىزدى قىزمەت اتقاراتىن، جەرگىلىكتى بيلىك، جۇمىس بەرۋشى مەن قىزمەتكەر اراسىنداعى الەۋمەتتىك ارىپتەستىك قالىپتاستىرىپ، ەڭبەك قوعامىن دامىتۋداعى ەرەكشە ءرولىن اتاپ ءوتتى. وسى باستاعان جۇمىستى كەڭەيتىپ، العا قويعان مىندەتتەردى ورىنداۋ ماقساتىندا رەسپۋبليكالىق سالالىق كاسىپوداق ىنتىماقتاستىعىن ارنايى مەموراندۋممەن بەكىتەتىندىگىن جەتكىزدى.

باس قوسۋ بارىسىندا باقىتجان ءابدىرايىم كاسىپوداقتار فەدەراتسياسى 22 ىرى سالالىق كاسىپوداقتار مەن 16اۋماقتىق كاسىپوداقتار بىرلەسىپ، 2 ميلليونعا استام جۇمىسشى ازاماتتاردىڭ قۇقىقتارىنىڭ قورعالۋىن قامتاماسىز ەتەتىن ۇيىم ەكەندىگىن ايتىپ ءوتتى. سونداي-اق ەڭبەك قاتىناستارىن تۇراقتاندىرۋدا، ەڭبەك ادامدارىنىڭ قۇقىقتارىن ساقتاۋداعى كاسىپوداقتاردىڭ ماڭىزدىلىعىن اتاپ ءوتتى.

جينالىستىڭ كۇن تارتىبىنە سايكەس «پرەزيدەنتتىڭ بەس الەۋمەتتىك باستاماسىندا» قويىلعان مىندەتتەردى ورىنداۋ جونىندە، الەۋمەتتىك ماسەلەردى، ەڭبەك قاتىناستارىن رەتتەۋ ماقساتىندا ەكىجاقتى مەموراندۋمعا قول قويىلدى.

سونداي-اق جيىن بارىسىندا ەل بويىنشا قولعا الىپ جاتىرعان كوپ بالالى، از قامتىلعان وتباسىلارىنا قولداي كورسەتۋ جايى دا تالقىلاندى. باس قوسۋعا قاتىسقان باقىتجان ءابدىرايىم ەڭبەك ەتىپ جۇرگەن كوپ بالالى انالارعا ۇستەمە اقى تولەۋدى جانە ولاردىڭ جۇمىس ۋاقىتتارىن مۇمكىندىگىنشە قىسقارتۋ شارالارى قارالىپ جاتىرعانىن مالىمدەدى.

فەدەراتسيا توراعاسى جيىنعا قاتىسۋشىلارعا جاڭادان سايلانعان وبلىستىق كاسىپوداقتار بىرلەستىگىنىڭ توراعاسى امانگەلدى تاسپيحوۆتى تانىستىردى. وسى كۇنگە دەيىن اتالعان قىزمەتتى اتقارعان ەربول سالىقوۆتىڭ جۇمىسىنا وڭ باعا بەرىپ، وسى سالاعا سىڭىرگەن ەڭبەگى ءۇشىن العىسىن ءبىلدىردى.

وبلىس اكىمى ءوز كەزەگىندە ءوڭىر دامۋىنا قوسقان ولشەۋسىز ۇلەسى ءۇشىن ەربول سالىقوۆقا ريزاشىلىعىن ءبىلدىرىپ، العىس حاتپەن ماراپاتتاپ، جاڭادان سايلانعان وبلىستىق كاسىپوداقتار بىرلەستىگىنىڭ توراعاسىنىڭ جۇمىسىنا ساتتىلىك تىلەدى.

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار