22 اقپان، 2019

جۇما كۇنى قازاقستاننىڭ باتىسى مەن سولتۇستىك-باتىسىندا جاۋىن-شاشىن بولۋى مۇمكىن

374 رەتكورسەتىلدى

جۇما كۇنى قازاقستاننىڭ باتىسى مەن سولتۇستىك-باتىسىندا جاۋىن-شاشىن بولۋى مۇمكىن، دەپ حابارلادى «قازگيدرومەت» رمك ءباسپاسوز قىزمەتىنەن.

«اتموسفەرالىق فرونتالدى بولىكتەردىڭ وتۋىنە بايلانىستى رەسپۋبليكانىڭ باتىسى مەن سولتۇستىك-باتىسىندا تۇراقسىز اۋا رايى سيپاتى كۇتىلەدى، كەي جەرلەردە جاۋىن-شاشىندى. رەسپۋبليكا بويىنشا كەي جەرلەردە تۇمان، كوكتايعاق، بۇرقاسىن، جەلدىڭ كۇشەيۋى ساقتالادى»، - دەپ حابارلادى سينوپتيكتەر.

استانادا قۇبىلمالى بۇلتتى، جاۋىن-شاشىنسىز. وڭتۇستىكتەن، وڭتۇستىك-باتىستان 5-10 م/س جەل تۇرادى. اۋا تەمپەراتۋراسى تۇندە -14-16، كۇندىز -5-7. 
الماتىدا قۇبىلمالى بۇلتتى، جاۋىن-شاشىنسىز. تۇندە جانە ەرتەڭگىسىن تۇمان. 0-5 م/س جەل تۇرادى. اۋا تەمپەراتۋراسى تۇندە -5-7، كۇندىز 0-2. 
شىمكەنتتە بۇلتتى، كەيدە 10 م/س جەل تۇرادى. اۋا تەمپەراتۋراسى كۇندىز +7+9، تۇندە -6-9.
اقمولا وبلىسىندا كەي جەرلەردە تۇمان كۇتىلەدى، 15-20 م/س جەل تۇرادى. كۇندىز -3-8، تۇندە -12-17.
جامبىل وبلىسىندا كەي جەرلەردە تۇمان تۇسەدى، 15-20 م/س جەل تۇرادى. كۇندىز 0+5، تۇندە -3-8. 
سولتۇستىك قازاقستان وبلىسىندا كەي جەرلەردە تۇمان تۇسەدى، 15-20 م/س جەل تۇرادى. اۋا تەمپەراتۋراسى كۇندىز -1-6، تۇندە -8-13.
پاۆلودار وبلىسىندا دا كەي جەرلەردە تۇمان تۇسەدى، 15-20 م/س جەل تۇرادى. كۇندىز -2-7، تۇندە -12-17.
قاراعاندى وبلىسىندا كەي جەرلەردە تۇمان تۇسەدى. كۇندىز -4-9، تۇندە -12-17. 
تۇركىستان وبلىسىندا كەي جەرلەردە تۇمان تۇسەدى. اۋا تەمپەراتۋراسى كۇندىز +4+9، تۇندە -4-9. 
قىزىلوردا وبلىسىندا كەي جەرلەردە تۇمان كۇتىلەدى. كۇندىز +3+8، تۇندە -3-8.
ماڭعىستاۋ وبلىسىندا كەي جەرلەردە تۇمان تۇسەدى. كۇندىز +3+8، تۇندە -2+3. 
شىعىس قازاقستان وبلىسىندا كەي جەرلەردە 15-20 م/س جەل تۇرادى، جاياۋ بۇرقاسىن سوعادى. كۇندىز -5-10، تۇندە -12-17.
الماتى وبلىسىندا كەي جەرلەردە تۇمان، كوكتايعاق كۇتىلەدى، تۇندە كەي جەرلەردە ازداعان جاڭبىر جاۋادى. كۇندىز -3+2، تۇندە -4-9. 
قوستاناي وبلىسىندا كەي جەرلەردە جاياۋ بۇرقاسىن سوعادى، 15-20 م/س جەل تۇرادى، تۇمان، كوكتايعاق. كۇندىز 0-5، تۇندە -10-15.
باتىس قازاقستان وبلىسىندا كەي جەرلەردە جاياۋ بۇرقاسىن سوعادى، 15-20 م/س جەل تۇرادى، تۇمان، كوكتايعاق. اۋا تەمپەراتۋراسى كۇندىز جانە تۇندە 0-5.
اقتوبە وبلىسىندا كەي جەرلەردە 15-20 م/س جەل تۇرادى، جاياۋ بۇرقاسىن سوعادى، كوكتايعاق. كۇندىز -3+2، تۇندە -5-10.
اتىراۋ وبلىسىندا كەي جەرلەردە قار ارالاس جاڭبىر جاۋادى، كەي جەرلەردە تۇمان، كوكتايعاق، 15-20 م/س جەل تۇرادى. كۇندىز +1+6، تۇندە 0-5

«الداعى تاۋلىكتە رەسپۋبليكانىڭ وڭتۇستىگى مەن وڭتۇستىك-شىعىسىندا اۋا تەمپەراتۋراسىنىڭ كوتەرىلۋىنە بايلانىستى قاردىڭ ەرۋى جانە قار سۋىنىڭ قالىپتاسۋى، مۇز قاتۋ قۇبىلىستارىنىڭ السىرەۋى مۇمكىن. جازىقتىق اۋماقتاعى قالعان سۋ نىساندارىندا گيدرولوگيالىق رەجيمدە ايتارلىقتاي وزگەرىستەر كۇتىلمەيدى»، - دەدى سينوپتيكتەر.

سوڭعى جاڭالىقتار

ۇقساس جاڭالىقتار