ال مۇنداي قولايلى ورتا قالىپتاستىرۋ, مەملەكەتتىڭ ىشكى-سىرتقى تۇراقتىلىعىن ساقتاۋ, ەلدە بىرلىك پەن ىنتىماق ورناتۋ – سول مەملەكەت باسشىسىنىڭ سارابدال ساياساتىنا, پاراسات-پايىمىنا, كورەگەندىگىنە تىكەلەي قاتىستى.
«نۇر وتان» پارتياسى ءوزىنىڭ كوشباسشىسىمەن بىرگە ء«ال-اۋقاتتىق قوعام: ونجىلدىقتىڭ 10 ماقساتى» اتتى «نۇر وتان» پارتياسىنىڭ 2030 جىلعا دەيىنگى باعدارلاماسىنىڭ جوباسىن دايىنداپ جاتىر.
«نۇر وتان» پارتياسى قازاقستاندىقتاردىڭ جاڭا يننوۆاتسيالىق بۋىنىن دايىنداۋ ءۇشىن ەىدۇ ەلدەرىنىڭ دەڭگەيىنە دەيىن ءبىلىم بەرۋ جۇيەسىن قارجىلاندىرۋدى جانە «بولاشاق» باعدارلاماسى بويىنشا پەداگوگتەر ءۇشىن كۆوتالاردى جانە ولاردىڭ ەڭبەكاقىسىن ۇلعايتۋعا, ءاربىر مەكتەپتە ءىت-سىنىپتاردى جانە ەلىمىزدىڭ ءاربىر ەلدى مەكەنىندە 3 جاسقا تولماعان بالالارعا ارنالعان دامىتۋ ورتالىقتارىن اشۋعا, سونداي-اق ەرەكشە قاجەتتىلىكتەرى بار بالالارعا ارنالعان ارنايى ينكليۋزيۆتى بالاباقشالار جەلىسىن قۇرۋعا قول جەتكىزەتىن بولادى.
سول سياقتى ءوزىمىزدىڭ دارىگەرلەرىمىزدىڭ دە جالاقىسى باتىس ەلدەرىنىڭ دەڭگەيىنە جەتكىزىلەدى. مۇنىڭ ءبارى بولمايتىن دۇنيە ەمەس. وتانىمىزدىڭ ەكونوميكالىق-الەۋمەتتىك ءوسۋ جاعدايى وسىنداي مۇمكىندىكتەردى بولدىرادى. بۇگىندە ونىڭ جاقسى بەلگىلەرىن ەل ومىرىنەن كورىپ تە جاتىرمىز. قولجەتىمدى ءارى ارزان نەسيەلەر شاعىن جانە ورتا كاسىپتى وركەندەتۋگە, جۇمىسسىزداردىڭ سانىن ازايتۋعا جاقسى اسەرىن تيگىزۋدە. ءبىر قىزىلوردا وبلىسىنىڭ وزىندە جۇمىسسىز ءارى ءوزىن-ءوزى جۇمىسپەن قامتىعان ءجۇز مىڭعا جۋىق ازاماتتىڭ دەنى «نۇر وتان» پارتياسى مەن ۇكىمەتتىڭ قولداۋى ارقاسىندا جۇمىس تاپتى. وسىنداي شارالار رەسپۋبليكامىزدىڭ بارلىق ايماقتارىندا جۇزەگە اسىرىلۋدا.
«نۇر وتان» پارتياسىنىڭ 2030 جىلعا دەيىنگى باعدارلاماسى بۇگىندە ەلدە بولىپ جاتقان ۇلى وزگەرىستەردىڭ جاقسى باستاماشىسى ەكەندىگىن وسىلاي دالەلدەپ جاتىر.
ايدا ابيبۋللاەۆا,
«نۇر وتان» پارتياسى قىزىلوردا ايماقتىق فيليالى پارتيالىق باقىلاۋ كوميسسياسىنىڭ ءتورايىمى
قىزىلوردا وبلىسى
