ەگەر وڭىردە ايلىق ورتاشا جالاقىلارى 42 مىڭ تەڭگەدەن كەم قىزمەتشىلەردىڭ ەڭبەكاقىلارىن شۇعىل كوتەرۋ جونىندە ناقتى ءىس-قيمىل جوسپارى جۇزەگە اسقان بولسا, بۇعان «نۇر وتان» پارتياسىنان سايلانعان ءماسليحات دەپۋتاتتارىنىڭ قوسقان ۇلەستەرى مول. سونداي-اق ايماقتاعى بارلىق كاسىپورىندا ەڭبەكاقى مولشەرى 15-20 پايىز مولشەرىندە ءوستى. الەۋمەتتىك ءمانى مەن ماڭىزى جوعارى ءىستىڭ جۇيەلى جۇرگىزىلۋى ءۇشىن ءتيىستى پارتيالىق باقىلاۋ مەحانيزمى ەنگىزىلىپ, ارىپتەستەرىمىز ورتاق ءىستىڭ ناتيجەلى بولۋىنا اتسالىستى. وسىنداي ءتۇيىندى باسەكەلەستىكتى دامىتۋ مەن تۇرعىن ءۇي-كوممۋنالدىق شارۋاشىلىعى سالاسىندا اتقارىلعان قىزمەتتەرگە قاتىستى ايتۋعا دا بولادى. وسى ورايدا جۇمىس توبىنىڭ قۇرامىندا بولعان نۇروتاندىق دەپۋتاتتار وڭىردە كوممۋنالدىق قىزمەت تاريفتەرىنىڭ 5-10,5 پايىز مولشەرىندە تومەندەۋىنە باستاماشى بولا ءبىلدى.
مەملەكەت باسشىسى ءوز جولداۋىندا اتاپ كورسەتكەندەي, ارىپتەستەرىمىز بيزنەستى زاڭسىز قىسىمدار مەن قىلمىستىق قۋدالاۋ كورىنىستەرىنەن قورعاۋ ىسىندە دە تاباندىلىق پەن باتىل بەتبۇرىستار جاساپ كەلەدى. مۇنى «نۇر وتان» پارتياسى اتىنان سايلانعان ءماسليحات دەپۋتاتتارى «اتامەكەن» ۇلتتىق كاسىپكەرلەر پالاتاسىنىڭ اقتوبە وبلىستىق فيليالىمەن بىرلەسە اتقارىپ ءجۇر.
اقتوبە ايماعىندا جەر استى قازبا بايلىقتارىن يگەرىپ جاتقان شەتەلدىك كومپانيالار جەتكىلىكتى. رەسپۋبليكا پرەزيدەنتى قازاقستان حالقىنا جولداۋىندا جەر قويناۋىن پايدالانۋشىلار قازاقستاندىق ۇلەستىڭ كولەمىن كوتەرۋ ماسەلەسىن ۇدايى نازارىندا ۇستاۋى كەرەكتىگىن تاپسىرعانى بەلگىلى. بۇل كومىرسۋتەگى شيكىزاتى مەن وزگە دە كەن ورىندارىندا وتاندىق وندىرىسشىلەردىڭ تاۋارلارىن پايدالانۋعا باسىمدىق بەرۋ دەگەن ءسوز.
جاسىراتىنى جوق, بۇعان دەيىنگى پارتيالىق باقىلاۋلار بارىسى بۇل ءىستىڭ جاي-كۇيى, ياعني وتاندىق تاۋارلارعا دەگەن سۇرانىس ونى پايدالانۋشىلار تاراپىنان ويداعىداي بولا بەرمەيتىنىن كورسەتكەن ەدى. راس, شەتەلدىك كومپانيا وكىلدەرىنىڭ دە ايتار ۋاجدەرى مەن تالاپتارى, ۇسىنىستارى مەن تىلەكتەرى جوق ەمەس. وسىنداي كەزدە قازاقستاندىق ۇلەستى كوتەرۋ جونىندە شەتەلدىكتەرمەن بىرگە وتكىزىلگەن جيىنداردا نۇروتاندىقتار بىلدىرگەن ورىندى وي-پىكىرلەرگە زەيىن قويا بىلگەن جەر قويناۋىن پايدالانۋشىلار دا بار. سونىڭ ناتيجەسىندە وڭىردە قازاقستاندىق ۇلەستى كوتەرۋ ىسىندە وڭ مىسالدار كوبىرەك ورىن الا باستادى.
قازىرگى كەزدە «نۇر وتان» پارتياسى مەكتەپ اسحانالارىنىڭ قىزمەتىن رەفورمالاۋ جونىندەگى باعدارلامانى ىسكە اسىرۋدا. پارتيا توراعاسىنىڭ ءبىرىنشى ورىنباسارى ماۋلەن اشىمباەۆ وتكەن جىلى وبلىسقا كەلگەن ساپارىندا «مەكتەپتەگى تاماقتانۋ كومبيناتى» دەپ اتالعان باعدارلاماعا وڭ باعا بەرىپ كەتكەن ەدى. مۇنداعى ماقسات – مەكتەپ اسحانالارىن بيزنەستىك بۋىندارعا بەرە وتىرىپ, وقۋشىلاردى ساپالى دا ءنارلى ءارى قۇنارلى ازىق-ت ۇلىك ونىمدەرىمەن قامتۋ, ونىڭ قاۋىپسىزدىگىن قامتاماسىز ەتۋ بولىپ وتىر. بۇگىندە اقتوبە ايماعىنان باستالعان وسىنداي وڭ تاجىريبەلەر بۇكىل رەسپۋبليكا اۋماعىنا دا ءسىڭىستى بولا باستاعانى – ءبارىمىز ءۇشىن مەرەي. الەۋمەتتىك سالماعى جوعارى باعدارلامانىڭ اتا-انالار مەن ءبىلىم بەرۋ سالاسى وكىلدەرى تاراپىنان قولداۋ تابۋى دا – نۇروتاندىقتار باستاعان ءىستىڭ ومىرشەڭدىگىن كورسەتەدى.
ءتۇيىپ ايتقاندا, «نۇر وتان» ءوزى قۇرىلعان كۇننەن باستاپ حالىقتىڭ مۇڭ-مۇقتاجى مەن تالاپ-تىلەكتەرىنە ورتاقتاسىپ كەلەدى. ونىڭ اقتوبە ايماعىنداعى كەيبىر مىسالدارى وسىنداي. ال پرەزيدەنت جولداۋىندا قويىلعان تالاپتار مەن مىندەتتەردى ىسكە اسىرۋعا ءوز ۇلەستەرىن قوسۋ نۇروتاندىقتاردىڭ باستى پارىزى, ءتول مىندەتى بولىپ قالا بەرمەك.
اينۇر باقتىعاليەۆا,
اقتوبە وبلىستىق ءماسليحاتىنىڭ دەپۋتاتى
اقتوبە
